بۆ بەڕێز محەمەدی حاجی مەحموود، سکرتێری گشتی
حزبی سۆسیالیست دیموکراتی کوردستان
بە خەم و پەژارەیەکی زۆرەوە هەواڵی شەهیدبوونی بەڕێز(عەتا)ی کوڕتان و ئەندامی سەرکردایەتیی حزبتانمان بیست، کە لە سەنگەری بەرگری لە خاک و ئازادیی میللەتەکەمان گیانی بەخشی، لەدەستدانی کاکە عەتا مایەی داخ و کەسەرێکی زۆرە بۆ هەموو لایەک، داواکارین خوا سەبووریتان بدات و لە خەم و خەسارەتتان بەدوور بگرێ.
بێگومان ڕۆڵی بەڕێزتان و بنەماڵە سەربەرزەکەتان لە کاروانی شۆڕش و خەباتی گەلەکەمان، ڕوون و ئاشکرایە و مایەی شانازییە، هەر بۆیەش لەو پێناوەدا قوربانیی زۆرتان داوە بۆ گەیشتن بە ئامانجە ڕەواکان و بەدیهێنانی مافەکانی گەلەکەمان.
جارێکی دیکە خۆمان بە هاوخەم و هاوبەشی ئێوە دەزانین و ئومێدەوارین ئەوە دواکۆستی بەڕێزتان و بنەماڵەکەتان بێت.
انا لله وانا الیه ڕاجعون
مەکتەبی سیاسیی پارتی دیموکراتی کوردستان
Cet article a été écrit en (کوردیی ناوەڕاست - Central Kurdish) langue, cliquez sur l'icône
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 12,408
Donnez votre avis sur ce produit!