رۆژنیوز ناوەندی هەواڵەکان
گەڕانەوەی هاوڵاتیانی #کۆبانێ# کە بەهۆی هێرشی چەتەکانی #داعش# بۆ سەریان ئاوارەی باکوری کوردستان ببوون، بەردەوامە. لەنێوان 10 ڕۆژی کۆتاییدا تەنیا لە ڕێگای فەرمی 5520 کەس گەڕاونەتەوە کۆبانێ. لە نێوان 20 بۆ 29-03-2015 لەو هاوڵاتیانەی کە چووبوونە باکوری کوردستان، 5520 کەس لە ڕێگای سنوری مورشیتپنارەوە گەڕاونەتەوە کۆبانێ، ئەو هاوڵاتیانە بەپێی ئەو پلانەی کە ماڵی گەل ڕێکیخستبوو، لەو گوندانەی کە ڕزگار کراون و ئەو ماڵانەی کە خراب نەبوون نیشتەجێ کراون. زۆرێک لەو گەنجانەی کە تازە گەڕاونەتەوە بەشداری ڕیزەکانی یەپەگە بوون. هەروەها هەندێکیشیان جێگای خۆیان لە پاراستنی گوندەکاندا دەگرن و هەندێکیشیان بەشداری خەباتی ناوەندەکانی تر بوون. بەپێی ئەو زانیاریانەی کە بەڕێوەبەرانی هەرێمی کۆبانێ دەست ئاژانسی هەواڵی هاوار کەوتووە، ئەو ڕێژەیە تەنیا ئەو هاوڵاتیانەن کە لە ڕێگای فەرمی گەڕاونەتەوە و ئەوانەی کە لەرێگای دەرگای سنورییەوە تێپەڕیوون، بەڵام لە دەرەوەی ئەوان بە هەزاران هاوڵاتی لە ڕێگاکانی قاچاغەوە گەڕاونەتەوە سەر ماڵ و حاڵ خۆیان.[1]
#30-03-2015#
Cet article a été écrit en (کوردیی ناوەڕاست) langue, cliquez sur l'icône
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 2,455
Donnez votre avis sur ce produit!