شەوی ڕابردوو لە ئەنجامی بۆردومانی فڕۆکەکانی سوپای تورکیا لە زارگەلی، ژمارەیەک هاووڵاتیی بێ تاوان شەهید و بریندار بوونە. سەرەخۆشیی لە کەسوکاری شەهیدان دەکەین و هیوای چاکبوونەوە بۆ برینداران دەخوازین.
ئێمە لە کاتێکدا کە ئیدانەی ئەم بۆردومانە دەکەین، کە بووەتە هۆی شەهیدبوونی خەڵکی هەرێمی کوردستان، داوا لە تورکیا دەکەین بۆردومانکردنی خەڵکی مەدەنی دووبارە نەبێتەوە و شەهیدکردنی هاووڵاتیی مەدەنیی هەرێمی کوردستان هیچ پاساوێک هەڵناگرێت.
پێویستیشە هێزەکانی پەکەکە گۆڕەپانی شەڕەکە لە هەرێمی کوردستان دوور بکەنەوە، چیتر هاووڵاتیانی هەرێمی کوردستان نەبنە قوربانیی ئەو شەڕ و ململانێیە.
بەردەوامیی شەڕ زیانی بۆ خەڵکی مەدەنی دەبێت و داوا دەکەین لایەنەکان بگەڕێنەوە بۆ پڕۆسەی ئاشتی.
سەرۆکایەتیی هەرێمی کوردستان
01-08-2015
Cet article a été écrit en (کوردیی ناوەڕاست) langue, cliquez sur l'icône
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 4,522
Donnez votre avis sur ce produit!