رۆژنیوز ناوەندی هەواڵەکان
یەکینەکانی پارستنی گەل یەپەگە ڕایگەیاند، لە مانگی ڕابردوودا دەوڵەتی تورکیا 26 جار و چەتەکانی داعش 28 جار هێرشیان کردوەتە سەر ڕۆژئاوای کوردستان، لە تەواوی هێرشەکانیشدا 81 چەتە کوژراون.
ئێوارەی ئەمڕۆ، ناوەندی ڕاگەیاندنی پەکینەکانی پاراستنی گەل یەپەگە لە بارەی شەڕ و پێکدادانەکانی مانگی ڕابردوو ئاماری بڵاوکردەوە.
یەپەگە ڕایگەیاند: مانگی ڕابردوو چەتەکانی داعش 28 پەلاماری تیرۆریستیان ئەنجامداوە و هێزەکانی ئیئتلافی سوریاش 18 پەلامار، هەر لە مانگی ئەیلولدا سوپای تورکیاش 26 هێرشیان کردۆتە سەر ڕۆژئاوای کوردستان.
یەپەگە باسی لەوە کردوە: لە ماوەی مانگی ئەیلولدا شەڕڤانان پێنج هەڵمەتی سەربازی و 17 ئۆپەراسیۆنی تایبەت و 11 ئۆپەراسیۆن و هەڵمەتی تریشیان دژی چەتەکانی داعش ئەنجامداوە و لە ئەنجامی تەواوی ئه و چالاکییانەی شەڕڤانانی یەپەگە، 81 چەتەی داعش کوژراون و چواریشیان بەدیل گیراون.
یەپەگە وتویەتی: لە تەواوی پێکدادانەکاندا 10 ئۆتۆمبێلی بۆمبڕێژکراو و دوو ئۆتۆمبێلی سەربازی داعشیان تێکشاندوە و دەستیشیان بەسەر چەندین پارچە چەکی داعشدا گرتوە.
بەپێی لێدوانەکەی هەپەگە لە مانگی ئەیلولدا 15 شەڕڤان شەهید بوون، کە شەشیان بەهۆی هێرشەکانی تورکیاوە بووە.
03-10-2016
Cet article a été écrit en (کوردیی ناوەڕاست) langue, cliquez sur l'icône
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 7,065
Donnez votre avis sur ce produit!