ئەمرۆ هەمو جیهان و مرۆڤایەتی پێکەوە ڕۆژی 25 ی نۆڤیمبر ڕۆژی جیهانی ڕوبەروبونەوەی توندوتیژی بەرامبەر ئافرەتان بەرز ڕادەگرین و بەیەکەوە لەم ڕۆژەدا هەمو توندوتیژی یەک بەرامبەری ئافرەتان ڕەت دەکەینەوه و دژی دەوستینەوە بەهەر ناوو ناونیشانێک بێت.
بەدرێژایی مێژووی مرۆڤایەتی ئافرەتان ڕووبەروی پێشلکاری و توندوتیژی بونەتەوه و قوربانیان داوە لەپێناو گەیشتن بەمافەکانیان و داواکاریەکانیان، بەداخەوە لەبەرامبەردا تا ئەمرۆش ئه و پێشیلکاریانه و توندوتیژی بەرامبەر ژنان بەردەوامە لە ژێر زۆر ناونیشانی جیاواز و لەپەنای زۆر بیرو هزری توند ڕەوی و بیرکردنەوەی تەسک و بڕوا نەبون بە ئازادی و یەکسانی و بیری ئازاد.
ئەمرۆش لەکاتێکدا ئه و یادە دەکەینەوە هێشتا لە زۆربەی شارو شارۆچکەکانی وڵاتان و لەنێو ماڵ و کاردا ئافرەتان لەژێر هەڕەشەی توندوتیژی دەژین و مافەکانیان پێشیل دەکرێ و تا ئاستی کۆیلە بون مامەڵەیان لەگەڵ دەکرێ
لەوکاتەدا دەیان ئافرەتی ئێزیدی کە لەلایەن گروپی تیرۆریستی داعشەوە ڕفێینراون و بەکۆیله و سەبا کراون لە چاوەروانی ئازاد کردن دان و پەرۆشی گەرانەوەن بۆ ناو ماڵ و خانەواده و کەس و کاریان و بۆ ئاسۆی ڕۆشن و ڕزگاری دەروانن.
ئێمە لەدەستەی سەربەخۆی مافی مرۆڤ وێرای ئەوەی لەگەڵ ئازادیخوازان و مرۆڤ دۆستان لەسەر ئاستی جیهان و ناوەخۆ ئه و ڕۆژە بەرز ڕادەگرین و خۆمان بەداکۆکی کاری مافەکانی ژنان دەزانین و پرسی ڕوبەروبونەوەی توندوتیژی بەرامبەر ژنان یەکێکە لە کارو ئەرکە سەرەکیەکانی دەستەکەمان و زۆر بەجدی لەماوەی کارکردنمان لەماوەی ڕابردوو تیشکمان خستۆتە سەر ئه و بابەته و لەراپۆرتەکانمان ئاماژەمان پێکردوه و بۆ ئه و مەبەستەش لەناو دەستە بەرێوەبەرایەتی تایبەتمان داناوە بۆ پرسەکانی ژنان و داکۆکی لەمافەکانیان و بڵاو کردنەوەی ڕۆشنبیری و هۆشیاری دەیان کارو چالاکیمان ئەنجام داوە له و بوارە.
لێرەوەش ئەوە ڕادەگەیەنین کە ئێمە سەرەرای ئەوەی له و ئەرکەمان بەردەوام دەبین، لەهەمان کاتدا پێویستە حکومەت بەپلان و بەرنامەی سەردەم و پەیره و کردنی یاساکان کاری جدی تر بکەن بۆ ڕوبەروبونەوەی توندوتیژی بەرامبەر ژنان لەپێناو گەرانەوەی ئاشتی بۆ خێزان و پاراستنی گیان و مافەکانی ئافرەتان کە دایکی و خوشک و هاوسەرن لە ماڵ و سەرکردەی مەیدانین لەبواری کارو ئەرکداو هاوبەش و هاوسەنگەری پیاوانن لەسەرجەم بوارەکانی ژیان و کارو تەنانەت بەرەکانی جەنگ و ڕووبەروبونەوەی تیرۆر.
دەستەی سەربەخۆی مافی مرۆڤ لەهەرێمی کوردستان
25-11-2016