دواڕۆژ، نوسینگەی هەولێر
بە پێی ئامارەکانی #وەزارەتی شەهیدان و ئەنفالکراوەکان# لە دوای ڕاپەرینی ساڵی 1991ەوە زیاتر لە 412 کەس بێ سەروشوێن بوون و چارەنووسیان نادیارە.
بە پێی ئامارەکانی وەزارەتی شەهیدان و ئەنفالکراوەکانی حکومەتی هەرێمی کوردستان، لە دوای ڕاپەڕینەوە بەهۆی شەڕی ناوخۆ و ململانێی سیاسی نێوان هێزە سیاسییەکانی باشور و باکور و ڕۆژهەڵاتی کوردستان زیاتر لە 412 کەس بێ سەروشوێنن و چارەنووسیان نادیارە.
هەر بە پێی ئامارەکان زۆربەی ئه و کەسانەی بێ سەروشوێنکراون ئەندامی یەکێتی نیشتیمانی کوردستان و پارتی دیموکراتی کوردستان و پارتی کرێکارانی کوردستان و حزبی دیموکراتی کوردستان و کۆمەڵی ئیسلامی و بزوتنەوەی ئیسلامی کوردستانن.
بە پێی ئامارەکان ژمارەی بێ سەروشوێنان زۆربەیان لەنێو ڕیزەکانی پارتی دیموکراتی کوردستان و یەکێتی نیشتیمانی کوردستان کە زیاتر لە 163 کەسه و لەگەڵ 70 کەس کە ئەندامی پارتی کرێکارانی کوردستانن.
لای خۆیەوە علی مەحمود، چالاکوانی مافەکانی مرۆڤ سەبارەت بەکەیسی بێسەروشوێنانی هەرێمی کوردستان بە دواڕۆژی ڕاگەیاند تاوەکو ئێستا ڕووفات و زانیاری لەسەر شێوازی بێ سەروشوێن و بکوژان دیارنین، بۆیە دەچێتە خانەی بێ سەروشوێنکردن.
ناوبراو، وتیشی تاوەکو ئێستا زیاتر لە 160 کەیسی بێ سەروشوێنانی هەرێمی کوردستانیان داوەتە ڕێکخراوی هاوپەیمانی جیهانی دژ بە بێ سەروشوێنان و خاچی سووری نێودەوڵەتی لە سویسرا.
14-03-2017
Cet article a été écrit en (کوردیی ناوەڕاست) langue, cliquez sur l'icône
![](https://www.kurdipedia.org/images/flags/ku.png)
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 6,319
Donnez votre avis sur ce produit!