دواڕۆژ، بورهان یەحیا
پەیڤدارێ دەستەیا گشتییا گەشتوگوزارا هەرێمێ خویاکر کو؛ حوکمەتا هەرێمێ ژ 100 ملیۆن دینار بۆ خزمەتکرنا جهێن گوزاری ل رۆژانێن نەورۆزێ مەزاختینە و نوکە کار پێ دهێتەکرن.
نادر رۆستی پەیڤدارێ دەستەیا گشتییا گەشتوگوزارێ بۆ دواڕۆژ زەلالکر کو؛ پشتی حوکمەتا هەرێما کوردستانێ رازیبووی کو ب رێژەیا 20٪ ژ داهاتێ رسوماتێن گەشتیاری یێن سالا 2016 بۆ دەستەیا گەشتوگوزارێ بهێتەدان؛ ژ ڤی پارەی 100 ملیۆن دینار بۆ خزمەتکرنا جهێن گەشتیاری ل رۆژانێن نەورۆزێ هاتینە مەزاختن و نوکە کار پێ دهێتەکرن.
ناڤبۆری ئاماژەکر کو؛ پشتی پار حوکمەتا هەرێمێ بڕیارا زێدەکرنا رسوماتێن گەشتیاری دای؛ بۆ ئەڤ سالە 20٪ ژ ڤی داهاتی رادەستی دەستەیا گەشتوگوزارێ هاتییەکرن و دێ ل هەموو بوارێن سەخبێری و پاراستن و پاقژکرنا جهێن گوزاری ل هەرێمێ مفا ژێ هێتە وەرگرتن.
نادر رۆستی خویاکر کو؛ ئەو 80٪ مایی یا داهاتێ رسوماتێن گەشتیاری بۆ وەزارەتا دارایی چۆینە و ئەو سەرەدەریێ دگەل دکەن.
23-03-2017
Cet article a été écrit en (کرمانجی - کوردیی سەروو) langue, cliquez sur l'icône
pour ouvrir l'élément dans la langue originale!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Cet article a été lu fois 3,882
Donnez votre avis sur ce produit!