بەپێی هەواڵی گەیشتوو بەکۆمەڵەی مافی مرۆڤی کوردستان لەدرێژەی سووتاندنی ژینگەی ڕۆژهەڵاتی کوردستان، دارستانەکانی “زاگرۆس” لەوەڕگا و دارستانەکانی ئاوایی “هەنجیران” لەنیزیک بنکە سەربازییەکانی سەر سنوور و هەروەها ناوچەی “مرخێل و درۆلە” لە دەور و بەری پاوە، ڕووبەڕووی سووتان بوونەوە.
سەرچاوە ناوخۆییەکان باس لە بەرفراوانی و بەهێزی ئاگر کەوتنەکە دەکەن و دەڵێن بەهۆی جوغرافیای سەختی ناوچەکە، توانای کۆنتڕۆڵ کردن و کوژاندنەوەی ئەو ئاگرە لەلایەن چالاکانی ژینگەپارێز و هاووڵاتیانی ناوچەکە لە ئارادا نییە و پێویستە بۆ دامرکاندنەوەی لە دەرفەت و ئامێرگەلی پێشکەوتووی وەک فڕۆکە ئاگرکوژێنەوەکان کەڵک وەرگیرێت، کە ئەویش نەتەنیا لە ڕۆژهەڵاتی کوردستان بوونی نییە، بەڵکوو هەتا ئێستاکە هێزەکانی ئاگرکوژێنەوەی کۆماری ئیسلامی ئێران، هیچ هەوڵێکیان بۆ هێنانی ئەو کەرەستانە و کۆنتڕۆڵ کردنی ئەو ئاگرە نەکردووە و تەنیا ژینگەپارێزان و خەڵکی ناوچەکە بە کەمترین دەرفەتی لە دەستیاندا حەولی دامرکاندنەوەی ئاگرەکانیان داوە.
جێگەی وەبیرهێنانەوەیە کە بەهۆی سووتاندنەکانەوە نیزیکەی 3هێکتار لە لەوەڕگاکانی “پاوە”، 1/5 هێکتار لە مێرگ و دارستانەکانی ناوچەی شارەی سەرمەت” و ناوچەی “ملەنێ” لە شارەدێی حەیدەرییە”ی سەر بەشاری “گێلانغەرب” و 1000 هێکتار لە لەوەڕگە و لاپاڵ و دارستانەکانی ناوچەی “کۆساڵان”ی سەر بە شاری “مەریوان” لە ئاگردا سووتاون.
ساڵی ڕابردووش تەنیا لە 28 ئاگرکەوتنەوەدا، زیاتر لە 500 هێکتار لە زەنوێر و دارستانەکانی گێلانغەرب بوونە سووتماک و لەناوچوون و بەپێی سەرچاوە نێوخۆییەکان زیانەکانی زیاتر بە 30میلیار قڕان خەمڵێندراوە.
کۆمەڵەی مافی مرۆڤی کوردستان
31-07-2017
Cet article a été écrit en (کوردیی ناوەڕاست - Central Kurdish) langue, cliquez sur l'icône
![](https://www.kurdipedia.org/images/flags/ku.png)
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 5,425
Donnez votre avis sur ce produit!