ساڵی 1994 لە شاری #مەهاباد# لە دایکبوون خوێندنی سەرەتایی و ناوەندی و دواناوەندی لە شاری مەهاباد تەواو کردووە. پاشان وەک خوێندکار لە ڕشتەی مێعماری لە زانکۆی ئازادی مەهاباد درێژەی بە خوێندن دا. بە هۆی ئەندامەتی باوکی هێمن لە ڕیزەکانی #حیزبی دێموکراتی کوردستان#ی ئێران-حدکا و پاش ئاشکرا بوونی چالاکییەکانی، بنەماڵەی ناوبراو ناچار بوون لە ساڵی 2014 بچنە باشوری کوردستان و لە شاری #قەڵادزێ# گیرسانەوە. هاوینی ساڵی2015 هاوڕێ هێمن هاتە ڕێزی پێشمەرگەکانی حیزبی دێموکرات و لە مانگی ڕەزبەری هەمان ساڵ لە دەورەی 216ی سەرەتایی پێشمەرگە بەشداری کرد و بە سەرکەوتوویی دەورەکەی تەواو کرد. لە پاییزی ساڵی 2015 وەک پێشمەرگە لە هێزی تایبەت سازمان درا و دەستی بە خزمەتی پیرۆزی پێشمەرگایەتی کرد. لە ماوەی پێشمەرگایەتیدا چەندین ئەرکی لە هێزی تایبەت وەئەستۆ گرت و دواجار ئەرکی سەرپەلی یەکێک لە پەلەکانی پێشمەرگەی لە هێزی تایبەت لەئەستۆ گرت. لە هاوینی ساڵی2016 لە مەئمورییەتی پێشمەرگەکانی ناوەندی 2ی کوردستان لە قوڵایی خاکی کوردستان بەشدار بوو و دەورێکی بەرچاوی گێڕا.
شەهید هێمن لە مانگی گەلاوێژی ئەمسال(2017) هاوڕێ لەگەڵ ژمارەیەک لە پێشمەرگەکانی حیزب بۆ مەئمورییەتێکی حیزبی چوونە ناوچەی #پیرانشار# بەڵام بەداخەوە لەو مەئمورییەتەدا شەوی 14ی گەلاوێژی 2017 بەرانبەر بە 07-08-2017 لە شوێنێک بە ناوی سەری هەواری شێخە دەکەونە کەمینی دوژمنانی ئازادی و هاوڕێ لە گەڵ پێشمەرگەیەکی گیانفیدای دیکەی حیزب بە ناوی یەعقوب مورادی شەهید دەبن و تێکەڵ بە کاروانی سوورخەلاتی شەهیدان بوو.
Cet article a été écrit en (کوردیی ناوەڕاست) langue, cliquez sur l'icône
![](https://www.kurdipedia.org/images/flags/ku.png)
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 6,450
Donnez votre avis sur ce produit!