نرخی کیلۆیەک مریشک لەبازاڕەکانی شاری #سلێمانی# بۆ سەروو 3000 هەزار دینار بەرزبۆتەوە، سەرۆکی کۆمەڵەی کێڵگە پەلەوەرییەکانیش دەڵێت، بەرهەمهێنانی مریشک لەشاری سلێمانی ڕووی لەزیادبوون کردووە و بەرهەمێکی زۆریش بەرەو شارەکانی خوارووی عێراق دەڕوات و خواستی زۆر لەسەرە.
بەهادین عبدوڵا، سەرۆکی کۆمەڵەی کێڵگە پەلەوەرییەکان لەسلێمانی بەدواڕۆژی وت مانگانە لەگەڵ قایمقامی سلێمانی کۆدەبینەوە لەسەر بەرهەمی ناوخۆی و پێداویستی بازاڕِەکان، ئێمە پێشبینیمان کردبوو کە نرخی مریشک لەم کاتەدا بەرزدەبێتەوە و هۆکارەکانیش زۆری خواستە لەسەر مریشکی کوردستان لە باشور و خوارووی عێراق، بەوپێیەی لە باشوری عێراق کێڵگە پەلەوەرییەکان بەهۆی بەرزی پلەی گەرما بەرهەمیان نیە.
راشیگەیاند لە دوای 15ی ئاب-ەوە، کاتێک کەشوهەوا لەشارەکانی خواروی عێراق فێنک دەبێت و بەرهەمی مریشکیان دەست پێدەکات و ئەوکات لە سلێمانیش مریشک زۆر دەبێت و نرخەکەی دادەبەزێت.
سەرۆکی کۆمەڵەی کێڵگە پەلەوەرییەکان ئاماژەی بەوەشدا تائێستا نرخی مریشک لە ناوخۆدا نەگەشتۆتە ئەو ئاستەی کە بۆمان داناوە، بۆ هەر کیلۆیەک 3500 دینارە هەرکات بگاتە ئەو نرخە، هەناردەی مریشک بۆ باشوری عێراق دەوەستێنین.
لەسنوری پارێزگای سلێمانی 655 کێڵگەی پەلەوەر هەیە، کە مریشک بەرهەم دەهێنن ئەم مریشکانە بۆ ناوخۆ و بۆ خواروی عێراق هەناردە دەکرێت.
لەئێستاشدا لە بازاڕەکانی شاری سلێمانیدا نرخی کیلۆیەک مریشک لە نێوان 3000 هەزار بۆ 3.500 دینارە.[1]
ماڵپەڕی دواڕۆژ: 10-08-2017
Cet article a été écrit en (کوردیی ناوەڕاست) langue, cliquez sur l'icône
![](https://www.kurdipedia.org/images/flags/ku.png)
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 6,864
Donnez votre avis sur ce produit!