بەشی ئێران/کوردی- یەکەم بەری زەیتوونی دێمی پارێزگای #کرماشان# لە باخێکی نموونەی زەیتوون لە گوندی زەردەی قەزای ڕێژاو لە بناری داڵەهۆ چنرایەوە.
بەپێی هەواڵی کوردپرێس، چنینەوەی یەکەم بەری زەیتوونی دێم لە باخی ڕەزا وەلی پەنا، باخەوانی نموونە و زەیتوونکاری نموونەی گوندی زەردە ئەنجام بووە.
بەڕێوەبەری باخەوانیی جەهادی کشتوکاڵی شاری داڵەهۆ له و بارەیەوە ڕایگەیاند: لە قەزای ڕێژاو کۆی 544 هێکتار زەیتوون کراوە و له و ڕێژەیەش 60 هێکتاری زەیتوونی دێمە و 480 هێکتاریشی زەیتوونی بەرئاوە.
سەفەری زیادی کرد: کەش و هەوای ناوچەکە بۆ بەرهەمهێنانی زەیتوون گونجاوە و لە هەر هێکتارێکدا پێشبینی کراوە 2075 کیلۆ زەیتوون بەرهەم بهێندرێت.
گوندی زەردە سەر بە قەزای ڕێژئاو لە 40 کیلۆمەتری شاری کرندی ڕۆژئاوایە و حەشیمەتەکەی دەگاتە 36 هەزار کەس و پیشەی خەڵکی ناوچەکە زیاتر جووتیاری و باخدارییە. [1]
05-09-2017
Cet article a été écrit en (کوردیی ناوەڕاست - Central Kurdish) langue, cliquez sur l'icône
![](https://www.kurdipedia.org/images/flags/ku.png)
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 4,466
Donnez votre avis sur ce produit!