بەشی خزمەتگوزاریی #شارەوانی سلێمانی# ڕای دەگەیەنێت قەبارەی خۆڵ و #خاشاک# لە ڕۆژانی جەژندا بە ڕێژەیەکی بەرچاو بەرز بووەتەوە و بۆ هەر ڕۆژێک زیاتر لە هەزار تۆن بووە.
بەشی خزمەتگوزاریی شارەوانی سلێمانی، لە ڕاگەیەندراوێکدا کە ئەمڕۆ چوارشەممە، وێنەیەکی بۆ (باسنیوز) نێردراوە ڕای دەگەیەنێت بەشی خزمەتگوزاریی بە هاوکاریی بەشی ئامێرەکان و لێژنە تایبەتەکانی قایمقامیەت لە ڕۆژانی جەژنی قورباندا سەرجەم ئەو جێگایانەی بەسەر کردەوە کە بە شێوەیەکی نایاسایی ڕێوڕەسمی قوربانییان تێدا ئەنجام دەدرا کە بەداخەوە دەبێتە هۆی تێکدان و ناشیرینکردنی سیمای شار بەهۆی هەڵسوکەوتی نادروستی خاوەن ئاژەڵ و قەسابەکانەوە و نیگەرانیی لای هاووڵاتیان و گەشتیاران درووست دەکات و دەبێتە بارگرانیش بۆ ژینگەپارێزەکان.
بەپێی ڕاگەیەندراوەکە لە یەکەم ڕۆژی جەژنەوە بەشی خزمەتگوزاری بە هاوکاریی کۆمپانیا کۆکەرەوەکان دەستی کردووە بە هەڵمەتی هۆشیاری و خاوێنکردنەوەی پاشماوەی ڕیخۆڵە و پێستەی ئاژەڵی قوربانی و هەڵمەتەکەش تا سبەینێ #07-09-2017# بەردەوام دەبێت.
بەشی خزمەتگوزاریی شارەوانی سلێمانی، ئاشکرای کردووە بەپێی کارکردن و هەڵمەتەکان قەبارەی بڕی خۆڵ و خاشاک لە ڕۆژانی جەژندا بە شێوەیەکی بەرچاو زیادی کردووە و بۆ هەر ڕۆژێک لە نێوان 1250 1300 تۆندا بووە.[1]
06-09-2017
Cet article a été écrit en (کوردیی ناوەڕاست) langue, cliquez sur l'icône
![](https://www.kurdipedia.org/images/flags/ku.png)
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 4,702
Donnez votre avis sur ce produit!