بەڕێوەبەرایەتی پۆلیسی پارێزگای #سلێمانی#، ئاماری 12رۆژی ڕابردووی ڕووداو، و کارەکانی خۆی ڕادەگەیەنێت، و 10حاڵەتی بەهاناوەچوون تۆمارکراوە.
پۆلیسی سلێمانی لە بەیاننامەیەکدا، ئاماژەی بەوەکردووە، بەپێی ئەو پلانەی بەڕێوەبەرایەتی پۆلیسی پارێزگای سلێمانی دایڕشتبوو لە 1 تا 4ی ئەیلولی 2017 هێزەکانی پۆلیس لە سەر گۆڕستان و شوێنە گشتییەکاندا ئامادەییان هەبووە، و هیچ ڕوداوێکی نەخوازراو ڕوی نەداوە.
هەروەها تۆمەتبارێکیان دەستگیرکردووە، کە بەئۆتۆمبێلێک لەجۆری (ئۆپڵ) جانتای ژنانی فڕاندووە،
و 10حاڵەتی بەهاناوەچوون تۆمارکراوە لەگەڵ 3کێشەی شەڕ و 3 ڕوداوی هاتووچۆو، و گەیاندنی کەسێک بۆ نەخۆشخانە و دەستگیرکردنی ماتۆڕسکیلێک.
ئەوەشخراوەتەڕوو، 2 کێشەش ڕەوانەی هۆبەی نەوجەوانان کراوە، منداڵێکی دۆزراوەش بۆ هۆبەکە ڕەوانەکراوە، لەگەڵ دەستبەسەرداگرتنی ئۆتۆمبیلێک، و حاڵەتێکی هەوڵدان بۆ خۆکوشتن تۆمارکراوە.[1]
13-09-2017