#محەمەد کەساس#
بەغداد - 2018
هەناسە تیوارەکان، ناوی بەرهەمێکی نوێی شاعیر و نووسەر محەمەد کەساسە، ئەم بەرهەمە کۆمەڵێک دەقی شیعرییە و 29 یەمین کتێبی چاپکراوی نووسەرە، هونەرمەند سەرچڵ شەوقی مۆنتێڤەکانی نەخشاندووە و لە 144 لاپەڕە پێکهاتووە بە تیراژی 1000 دانە لە چاپخانەی کارۆ چاپێکێکی جوان و ناوازە کراوە و لە ئێستادا بە نرخی 3000 دینار لە کتێبخانەی سلێمانی لەبەردەرکی سەرا و کتێبخانەی شێخ ڕەزای تاڵەبانی لە شەقامی پیرەمێرد بەردەستە.
من و عەشق و سلێمانی
سیانەی ژینی بە ئازارین
لەپایزی عومری تارا
وەرزی تەڕی پڕ بەهارین
دەمێک ساڵە بەدڵ دەگریم
بۆ ئایندەی نادیارم
چ بکەم چارەنووسم وایە
دەگۆڕێت بە پاییز بەهارم
ڕۆژێ دێ ئەم ئەوینەی من
دەمگەێنێت بە فەنابوون
یان دەمباتە خەڵوەتگەیەک
یان شێتێکی لانە زەبوون
(زمانی چاو)
دوور لە گیانی تۆ ئەزیزم
ئاسمانی دڵ گەلێک تارە
باخ و گوڵجاڕی عومری من
بێ خەندەی تۆ پڕ لە خارە
وەکو شەونمی دەم بەیان
ڕژایتە سەر پەڕەی دڵم
لە زمانی چاو تێدەگەیت
چونکە زانیت عەشقی گوڵم
Lire le livre: هەناسە تیوارەکان
Télécharger Total:
148 fois
Cet article a été écrit en (کوردیی ناوەڕاست) langue, cliquez sur l'icône
![](https://www.kurdipedia.org/images/flags/ku.png)
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 3,280