بەڕێوەبەری وەبەرهێنانی پارێزگای #هەولێر# ڕایگەیاند، بەهۆی پابەندنەبوونیان بە جێبەجێکردنی پڕۆژەکانیان، پێنج وەبەرهێنەر دەستگیرکراون و سێ وەبەرهێنەری دیکە کە فەرمانی دەستگیرکردنیان بۆ دەرچووە هەڵاتوون.
سامان عارەب، بەڕێوەبەری وەبەرهێنانی هەولێر بە تۆڕی میدیایی ڕووداوی ڕاگەیاند: بەهۆی ئەوەی گرێبەستیان لەگەڵ هاونیشتمانیان هەیە و خانوو و شوقەکانیان وەک پێویست تەواو نەکردووە، پێنج وەبەرهێنەر لە شاری هەولێر دەستگیرکراون و هەروەها چەند وەبەرهێنێکی دیکەش کە پابەندی مۆڵەتی وەبەرهێنان نەبوون، بە بڕیاری دادگا و فەرمانی سەرۆکوەزیرانی هەرێمی کوردستان دەستگیرکراون.
سامان عارەب ئاماژەی بەوەشکرد، سێ وەبەرهێن لە هەولێرەوە بەرەو باشووری عێراق و دەرەوەی هەرێمی کوردستان هەڵاتوون، حکومەتی عێراق و پۆلیسی ئینتەرپۆل ئاگادارکراونەتەوە بۆ دەستگیرکردنیان. ئەوانەشی کە دەستگیرکراون لە زیندانن و چاوەڕوانی ڕۆژی دادگایی کردنن.[1]
#26-07-2018#
Cet article a été écrit en (کوردیی ناوەڕاست - Central Kurdish) langue, cliquez sur l'icône
![](https://www.kurdipedia.org/images/flags/ku.png)
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 2,093
Donnez votre avis sur ce produit!