پەرێزی پاکژ نيە
دەغل و دان دوای دروێنەکردنی ئەوەی دەمێنێتەوە لە(قەسەر: لاسکی گەنم و جۆ دوای کامڵبوون و ووشک بوونی پێی دەوترێت قەسەر) بەسەراپای زەوييەکەش کە دروێنەکراوە دەوترێت(پەرێز).
ئينجا دوو جۆر پەرێز هەيە(پاکژ،پاک، خاوێن) يان(پيس) پاکژ واتە هيچ گوڵە گەنم و جۆيەکی وەريووی تێدا نيە و سەپان و سەرپاڵەيەکی باش گەنم و جۆکەی دووريوەتەوە و هيچ داوەر و گوڵێکی خەسار نەکردووە، بەڵام پيس واتە سەپانێکی خراپی هەبووە و گوێی نەداوەتە خەسارەت و زيانی گەنم و جۆيەکە و لەکاتی داس وەشاندن چەندی دووريوەتەوە ئەوەندەشی وەريوە و خەسارکردووە به و جۆرە پەرێزە دەوترێت پيس چونکە خەسارەتی زۆری داوە سەپانەکە، ئينجا ئەوەی ستايشی پەرێز پاکژی هەبێت دەبێتە سەپانێکی جێگەی متمانە و ئەوەی ستايشی پەرێز پيسی هەبێت هيچ کاتێک خاوەن تەبارە و دەغل و دان ئامادە نيە بەسەپانی خۆی بيگرێت، ئينجا ئەم حاڵەتە لەکوردەواريدا بووە بەدرکە و ئيديۆم بەکەسێک کە مێژوويەکی خراپ و نەگريس و ناجۆر و نەگونجاوی هەبێت يان مێژوی کارەکانی باش نەبێت و پێشينەی هەبێت دەوترێت(پەرێزی پاکژ نی يە) بەکەسێکيش مێژوويەکی جوان و کاری ڕێک وپێکی هەبێت دەوترێت(پەرێزی پاکژە).
Cet article a été écrit en (کوردیی ناوەڕاست) langue, cliquez sur l'icône
![](https://www.kurdipedia.org/images/flags/ku.png)
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 1,530
Donnez votre avis sur ce produit!