لە ماوەی دوو ڕۆژی جەژنی قورباندا، نزیکەی 30 هەزار گەشتیار کە زۆربەیان لە خواروو و ناوەڕاستی عێراقەوە هاتوون، سەردانی شوێنە گەشتیارییەکانی پارێزگای #دهۆک#یان کردووە.
نێچیرڤان حوسێن، پەیامنێری ڕووداو لە دهۆک ڕایگەیاند: لە سنووری پارێزگای دهۆک نزیکەی 820 شوێنی گەشتیاری هەن، بەردەوام لە پشووەکاندا خەڵک ڕوو لەو ناوچە گەشتیارییانە دەکەن، بەتایبەتی گەشتیارانی باشوور و ناوەڕاستی عێراق.
بەپێی پێشبینییەکانی بەڕێوەبەرایەتیی گەشتوگوزاری دهۆک، لە هەر ڕۆژێکی جەژندا 15 هەزار گەشتیار سەردانی پارێزگای دهۆکیان کردووە تەنها لە ماوەی دوو ڕۆژی پێش جەژنیشدا، واتە ڕۆژانی 19و 20ی 8-2018 نزیکەی 21 هەزار گەشتیار ڕوویان لە پارێزگای دهۆک کردووە.
پەیامنێری ڕووداو هەروەها دەڵێ پێشبینی دەکرێت تاوەکو 28-8-2018 نزیکەی 70 هەزار گەشتیار سەردانی پارێزگای دهۆک بکەن، یەکێک لەو شوێنانەشی کە ژمارەیەکی زۆر گەشتیار ڕووی تێدەکەن، تاڤگەی سیپەیە لە #ئاکرێ# و، پێشبینی دەکرێت ئەمڕۆ نزیکەی چوار هەزار گەشتیار سەردانی ئەو ناوچە گەشتیارییە بکەن.[1]
#23-08-2018#
Cet article a été écrit en (کوردیی ناوەڕاست - Central Kurdish) langue, cliquez sur l'icône
![](https://www.kurdipedia.org/images/flags/ku.png)
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 2,410
Donnez votre avis sur ce produit!