گام لەو جوتەی نيه
جوتکردن پيشەيەکی کشتياری و وەرزێريە بەگوێرەی(بەر و گاجوت) زەوی کشتوکاڵی دەدرێتە بەر(گاسن) و دەکێڵرێت، هەر کەسێک گايەکی لەجوت بێت دڵی بەجوتکردنەکە و کارەکە خۆشە و ئەگەر زەوی و دەغل و دانی تۆوە کراويش خۆی خاوەنی نەبێت بەهۆی گاکانيەوە دەستخۆشی و ستايشێکی وەچنگ دەکەوێت، بەڵام ئەگەر گاجوتەکان هيچ پەيوەندييەکان بە يەکێکەوە نەبێت چ باکی نيە لە چۆنيەتی جوتکردن و جۆتيارييەکە، هەڵبەت قازانج و زيان بەر خاوەن گاجووت دەکەوێت بەپێچەوانەشەوە ئەگەر هيچ پەيوەنديەکت بەجووت و گاجوتەوە نەبێت ئەوا نه زيان نە قازانجت بەردەکەوێت، ئينجا ئەم حاڵەتە بووە بەدەربڕ و ئيديۆم لە ناو کورداندا دەوترێت(گام له و جوتەی نيە) ئەمەش بۆ کارێک يان هەڵوێستێک يان ئيشێک دەوترێت کە لە دوور و نزيک پەيوەندی بەتۆوە نەبێت نه لەقازانج و نە لە زيانی هاوبەش نەبيت.
Cet article a été écrit en (کوردیی ناوەڕاست) langue, cliquez sur l'icône
![](https://www.kurdipedia.org/images/flags/ku.png)
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 1,409