دواڕۆژ، هۆگر کەمال
وتەبێژی گەشتوگوزاری هەرێم ڕایدەگەیەنێت: لە ماوەی حەوت ڕۆژدا 136 هەزار گەشتیار ڕوویان لە هەرێمی کوردستان کردووە و دەڵێت: ڕێژەکە بەراورد بە ساڵی پێشتر لە سەدا 152 زیادیکردووە.
نادر ڕۆستی، وتەبێژی گەشتوگوزاری هەرێم ئەمڕۆ پێنجشەممە 3ی کانونی دووەمی 2019 بە دواڕۆژی ڕاگەیاند: لە ڕۆژی 25ی کانونی یەکەمی ڕابردوو تا 31ی کانونی یەکەمی 2018 و بەبۆنەی هاتنی ساڵی نوێوە 136 هەزار گەشتیار ڕوویان لە هەرێمی کوردستان کردووە.
وتیشی: ڕێژەی هاتنی گەشتیار بەراورد بە ساڵی ڕابردوو 152% زیادیکردووە، ئەمەش بەهۆی ئەمنیەتی هەرێمی کوردستان و پەیوەندی بەردەوامی ئێمە بە کۆمپانیا گەشتیارییەکان و ڕیکلامکردن و کردنەوەی خاڵە سنورییەکانە.
نادر ڕۆستی، ئاماژەی بەوەشدا: زۆرینەی گەشتیارەکان لە ناوەڕاست و خوارووی عێراق هاتوون و سەرجەم هۆتێل و مۆتێل و چێشتخانەکانیش پڕبوون لە گەشتیار.
ساڵی پێشتر بۆ سەری ساڵی 2017 بەهەمان بۆنەوە 54 هەزار گەشتیار ڕوویان لە هەرێمی کوردستان کردبوو.
پێداچونەوە: شیروان شەریف[1]
#03-01-2019#
Cet article a été écrit en (کوردیی ناوەڕاست) langue, cliquez sur l'icône
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 2,398
Donnez votre avis sur ce produit!