دواڕۆژ، محەمەد مستەفا
رێکخراوێکی ئەمریکی زیاتر لە 18 هەزار کتێبی بەخشیە #زانکۆی ڕاپەڕین#، بەرپرسێکی زانکۆکەش دەڵێت: ئەو کتێبانە ڕۆڵی گرنگیان دەبێت لە بەرەو پێشچوونی بواری زانستی زانکۆکە.
ئاراس ڕەمەزان، بەرپرسی بەشی ڕاگەیاندن و پەیوەندیەکانی زانکۆی ڕاپەرین بەدوارۆژی ڕاگەیاند: ئەمڕۆ ڕێکخراوی پڕۆژەی کتێبی ئەمریکی زیاتر لە 18 هەزار کتێبی بە زمانی ئینگلیزی وەک دیاری پێشکەشی کتێبخانەی ناوەندی زانکۆی ڕاپەڕین کردووە و ئەمڕۆش سەرجەم ئەو کتێبانە گەیشتونەتە کتێبخانەی زانکۆکە.
وتیشی: ئەو کتێبانە بە هەماهەنگی سەنتەری پەرەپێدانی زمانی زانکۆی ڕاپەڕین لەگەڵ ئەو ڕێکخراوە بەخشراونەتە زانکۆکە، ناوەڕۆکی کتێبەکان هەمەجۆرن و زۆر بوار و سەرچاوەی زانستی گرنگیان لەخۆیانگرتووە.
باسی لەوەشکرد: لەمەودوا مامۆستایان و خوێندکارانی زانکۆکە دەتوانن سودێکی زۆر لە سەرچاوەی ئەو کتێبانە وەربگرن لەکاتی ئەنجامدانی توێژینەوە زانستیەکانیان.[1]
#08-01-2019#
Cet article a été écrit en (کوردیی ناوەڕاست) langue, cliquez sur l'icône
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 2,783
Donnez votre avis sur ce produit!