بەتۆمەتی داربڕین لەسنووری #ماوەت# و #پێنجوێن# لەلایەن بەڕێوەبەرایەتی پۆلیسی دارستان وژینگەی #سلێمانی#-یەوە 3 سەرپێچیکار دەستگیر دەکرێن و دەست بەسەر چەند کەرەستەیەکی داربڕینەوەشدا دەگیرێت.
له و بارەیەوە عەمید هێمن کەمەرخان بەڕێوەبەری ڕاگەیاندن لەبەڕێوەبەرایەتی پۆلیسی دارستان وژینگەی سلێمانی ڕایگەیاند: بەهۆی ئەرک و ماندوو بوونی ئەفسەر و کارمەندان لەسەرجەم بەش و بنکەکانمان توانراوە ڕێگری لە دیاردەی داربڕین بکرێت و سەرپێچیکاران ڕووبەڕوی یاسا بکرێنەوە.
عەمید هێمن ئاماژەی بەوەشکرد: مەفرەزەیەکی بنکەی پۆلیسی دارستان و ژینگەی ناڵپارێز لە گوندەکانی (ئاروزەر، دەرمیانە، بایانە) دوو هاووڵاتییان لەسەر دیاردەی داربڕین دەستگیرکردووە و دەستیشیان گرتووە بەسەر ژمارەیەکی زۆر لە داری سروشتی بڕراو و مشارێکی کارەبایی و چەند کەرەستەیەکی داربڕیندا.
هاوکات مەفرەزەیەکی بنکەی پۆلیسی دارستان و ژینگەی گاپیڵۆن لە گوندی قەیوانی گەورە توانیویانە هاووڵاتییەک لەسەر بڕینی دار و دروست کردنی خەڵوز دەستگیربکەن و دەستبگرن بەسەر ژمارەیەکی زۆر داری بڕراو لەگەڵ مشارێکی گەورەدا و کورەیەکی خەڵوزیش تێک بدەن.
عەمید هێمن کەمەرخان ڕاشیگەیاند: لەئێستادا پەڕاوی لێکۆڵینەوە بۆ دەستگیرکراوەکان کراوەتەوە ڕووبەڕوی یاساکراونەتەوە، وتیشی: داوا لە هاووڵاتییان دەکەین لەپێناو پاراستنی سروشت و ژینگەی کوردستان دا پێویستە هەمووان پابەندبن بەڕێنمایەکانی پۆلیسی دارستانەوە.[1]
#28-01-2019#
Cet article a été écrit en (کوردیی ناوەڕاست - Central Kurdish) langue, cliquez sur l'icône
![](https://www.kurdipedia.org/images/flags/ku.png)
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 2,432
Donnez votre avis sur ce produit!