لەکاتێکدا بەتوندی ئیدانەی پەلامارە دوژمنکارییەکەی دوێنێ شەوی شاری #کەرکووک# دەکەین کە لە ڕێگەی زنجیرەیەک تەقینەوەی خوێناویەوە هاووڵاتییانی بێدیفاعیان کردە ئامانج کە سەرقاڵی ئامادەکاری و پێشوازی بوون لە ڕۆژانی جەژنی ڕەمەزانی پیرۆز، ئەوپەڕی پرسە و سەرەخۆشی خۆمان ئاڕاستەی کەسوکاری شەهیدان دەکەین و داواکارین لە یەزدانی مەزن تا بەبەهەشتی بەرینیان شاد بکات و هەرچی زووتریشە شیفای بەپەلە بۆ برینداران بنێرێ.
هەر لێرەوە داوا دەکەین ڕێکارە ئەمنیەکان توندتر بکرێن و پلانی ئەمنی تۆکمەتر دابڕێژرێت تا ڕێگە لە دووبارەبوونەوەی ڕووداوی هاوشێوە دووبارە نەبێتەوە کە دەیەوێت دۆخی شارەکەمان بشێوێنێت و ژیانی دانشتوانەکەی بکاتە ئامانج.
هەروەک داواش دەکەین کە پێداچوونەوەی جدی بکرێت بە پلان و بەرنامە ئەمنیە ئامادەکراوەکان لە پارێزگاکەدا، هەروەها کاربکرێت بە ئامانجی یەکخستنی هەوڵەکان و گرنگی کاردنی هاوبەش و پێکەوەیی ئەویش بەئامانجی دوورخستنەوە و لەناوبردنی هەردەستێک کە دەیەوێت ترس و تۆقاندن لە نێو دانیشتوانی شارە خۆشەویستەکەمان بڵاوبکاتەوە.
جارێکی تر داوا لە یەزدانی مەزن دەکەین لەم مانگە پیرۆزەدا لە شەهیدەکان خۆشبێت و هەرچی زووە شیفای بەپەلە بۆ برینداران بنێرێ.
مەڵبەندی کەرکووکی ی.ن.ک
#31-05-2019#
Cet article a été écrit en (کوردیی ناوەڕاست) langue, cliquez sur l'icône
![](https://www.kurdipedia.org/images/flags/ku.png)
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 3,223
Donnez votre avis sur ce produit!