ئەمەش دەقی پەیامەکە:
کۆمەڵانی خەڵکی کوردستان...
هاتنی جەژنی ڕەمەزان لە هەموو لایەک پیرۆز بێت، جەژن دەرفەتێکی زێڕینە بۆ لێبوردەیی و بەرقەرارکردنی ئاشتی کۆمەڵایەتی، بەڵام بەداخەوە پەیوەندییەکانی یەکێتی و پارتی بە ئاراستەیەک دەڕۆن خەریکە خۆشی و شادی جەژن لە گەلەکەمان تێکبدەن و نەهێڵن وەک جاران تامی بکات.
خەڵکی ئێمە وەڕەس بوون لە ململانێ، بێزارن لە شەڕە قسە و پاڵەوانبازی، یەکێتی و پارتی و حیزبە کوردییەکانیتر شەڕ و ئاشتی، ناکۆکی و کاری پێکەوەییان وەک یەک ئەزموون کردووە، ئیتر دوای ئەم هەموو ساڵە دەبێت لەوە تێگەیشتبێتین کە هێز لە پێکهاتندایە نەک لەشەڕە لێدوان و قوڵکردنی زیاتری ناکۆکییەکان.
خەڵکی کورد لە #کەرکووک# و ناوچە دابڕێنراوەکانیتر لە دۆخێکی یەکجار خراپ و دژواردا دەژین و هەست بە ئاسایش و ئارامی ناکەن، ڕۆژانە هەراسان دەکرێن و بەرەنگاری توندڕەوی و حوکمی چەک دەبنەوە، کەچی هەموو شەڕەکە لە دانانی پارێزگارێک و کێشەی کاندیدی ئەم پۆستەدا چڕ کراوەتەوە کە بەشێکی بچووکە لە کێشە کەڵەکەبووەکانی ئه و ناوچانە بە درێژایی تەمەنی دەوڵەتی عێراق.
لە سۆنگەی هەست کردنم بە مەترسییەکانی ئەم دۆخە و وەک بەجێهێنانی ئەرکی خۆم داوا لە سەرکردایەتی یەکێتی و پارتی دەکەم ئەم جەژنە کە بۆنەیەکی گەورەی لێبوردەیی و گەردن ئازادییە وەک دەرفەتێکیتری خێراو نوێ بڕەخسێنن بۆ پێکهاتن و تێپەڕاندنی تارمایی لێکترازان.
دووبارە جەژن پیرۆز بێت و خۆشی و شادی هەمیشە میوانی ماڵەکانتان بێت..
#03-06-2019#
Cet article a été écrit en (کوردیی ناوەڕاست) langue, cliquez sur l'icône
![](https://www.kurdipedia.org/images/flags/ku.png)
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 2,475
Donnez votre avis sur ce produit!