لەساڵی 2019 دا لەسنوری ئیدارەی ڕاپەڕین، چوارهەزارو سەدو هەشتاو شەش ڕووداوی جۆراوجۆر تۆمارکراوە کە بەهۆی ڕووداوەکانەوە 128 هاووڵاتی گیانیانلەدەستداوە.
لەکۆنفرانسێکی ڕۆژنامەوانیدا کە ئامانج لێی خستنەرووی ئامارەکانی ساڵی 2019 ی سنوری ئیدارەی ڕاپەرین بوو پەیامنێری PUKmedia ش ئامادەیبوو، شۆڕش ئیسماعیل وتەبێژی بەرێوەبەرایەتی پۆلیسی ڕاپەرین ڕاگەیاند، لە ساڵی 2019 دا چوار هەزارو 186 ڕووداوی جۆراوجۆر تۆمارکراون و له و ڕێژەیەش دووهەزارو 814 ڕووداویان لەسنوری شارۆچکەی ڕانیه و هەزارو 572 ڕووداویشیان لەسنوری قەزای پشدەر بووه و لەکۆی ڕوداوەکانی سنوری ئیدارەی ڕاپەرینیش 128 هاووڵاتی گیانیانلەدەستداوه و نۆسەدو 53 هاووڵاتییش برینداربوون.
وتەبێژی پۆلیسی ڕاپەرین ڕاشیگەیاند: بەهۆی ڕوداوەکانەوە دوو هەزارو سێ سەدو هەشتاو چوار هاووڵاتی دەستگیرکراون و بەگشتیش 165 تۆمەتبار تاوەکو ئێستا دەستگیرنەکراون و دۆسیەکانیان بەکراوەیی ماوەتەوه و هەوڵەکان بۆ دەستگیرکردنیان بەدەوامی هەیە.[1]
#05-01-2020#
Cet article a été écrit en (کوردیی ناوەڕاست) langue, cliquez sur l'icône
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 2,292
Donnez votre avis sur ce produit!