وەکو پەرلەمانی کوردستان بەهەموو شێوەیەک سەرلەبەری ئه و قسانەی حەسەن نەسروڵا ڕێبەری حزبوڵای لوبنانی ڕەتدەکەینەوە کە لەوتارێکیدا هێرشێکی ناڕەوای کردۆتەسەر سەرۆک بارزانی و هێزی پێشمەرگەی کوردستان کەڕەمزی خۆڕاگری و ڕووبەڕووبوونەوەی تیرۆریستانی #داعش#ن، ئەوە هێزی پێشمەرگە بوو کە بەخوێنی خۆی ئەفسانەی داعشی تێکشکاندو بەشێوەیەکی ڕاستەوخۆ و مەیدانی لە بری هەموو جیهان ڕووبەڕووی تیرۆریستانی داعش بووەوه و قارەمانییەتی گەورەی تۆمار کرد.
بەداخەوە بەرپرسانی حیزبەکەی حەسەن نەسروڵا بەشێک بووە له و هێرشە ناڕەواو نادەستوورییەی کە له ساڵی 2017 کرایە سەر هەرێمی کوردستان. ئێمە وەکو نوێنەرانی هەرێمی کوردستان وەفادارین بەرامبەر بەهەر کەس و لایەنێک کە ڕۆژێک لە ڕۆژان لەگەڵمان هاوکار بووبێت، زیادەڕەویش لە هیچ کەس و لایەنێک قبوڵ ناکەین و وەکو پەرلەمانی کوردستان و نوێنەری خەڵکی کوردستانیش ئیدانەی بێ ڕێزی بە هێزی پێشمەرگەی کوردستان و هەر سمبولێکی نەتەوەکەمان دەکەین.
پەرلەمانی کوردستان
#13-01-2020#
Cet article a été écrit en (کوردیی ناوەڕاست) langue, cliquez sur l'icône
![](https://www.kurdipedia.org/images/flags/ku.png)
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 1,871
Donnez votre avis sur ce produit!