سەبارەت بە نەخۆشی ڤایرۆسی کۆڕۆنای نوێ COVID-19 لە هەرێمی کوردستان، ڕێکارەکان بەردەوامن بەم شێوەیە:
1. کەرەنتین
تاوەکو ئەوڕۆ (9561) هاووڵاتی ئەوانەی کە لە دەرەوەی ووڵات گەڕانەتەوە وە ئەوانەی کە بەرکەوتەی نەخۆشە چەسپێنراوەکان کەڕەنتین کراون، لەئێستادا تەنها (1648) هاووڵاتی لە (33) شوێنی جیاوازی کەرەنتین ماونەتەوە؛ (452) لە #هەولێر#، (249) لە #سلێمانی#، (904) لە #دهۆک#، (43) لە ڕاپەرین. وە (7913) هاووڵاتی لە کەرەنتین دەرچوونە و گەڕانەوەتە ناو خانەوادەکانیان دوای تەواو کردنی ماوەی 14 ڕۆژ وە ئەنجامدانی پشکنینی تاقیگەیی بۆیان وپشتراستکردنەوەی ئەوەی کە هەڵگری ئەو نەخۆشیە نین، لەگەڵ کەڕەنتین کردنی ژمارەیەکی تری هاووڵاتییان لە 24 کاتژمێری ڕابردوودا کە کۆی گشتیان (189) هاووڵاتی بوو.
2. پشکنین
لەماوەی 24 کاتژمێری ڕابردوودا؛ (1406) پشکنین ئەنجام دراوە لەسەر ئاستی هەرێمی کوردستان؛ (439) هەولێر، (469) سلێمانی، (301) دهۆک، (10) هەلەبجە، (21) ڕاپەرین، (166) #سۆران# دەرەنجام (14) تووشبووی نۆێ لە هەرێمی کوردستان تۆمارکرا بەم شێوەیەی خوارەوە:
• پارێزگای هەولێر (13) پۆزەتیڤ: (4) پیاو تەمەنیان (67)، (49)، (19)، (18) ساڵ و (5) ئافرەت تەمەنیان (85)، (43)، (36)، (23)، (14) ساڵ و (4) منداڵ تەمەنیان (12)، (10)، (6)، (5) ساڵ کە 12 لە تووشبووەکان بەرکەوەی تووشبووانی پێشوون وە یەکیان سەرچاوەکەی نادیارە.
• پارێزکای سلێمانی (1) پۆزەتیڤ: پیاوێکی تەمەن (32) ساڵە، دانیشتووی شاری سلێمانیە، نەوە و بەرکەوتەی تووشبووێکی پێشووە.
3. ئاماری گشتی
کۆی گشتی تووشبووان بە ڤایرۆسی کۆڕۆنای نوێ COVID-19 لە هەرێمی کوردستان (380) تووشبوو، لەنێویاندا (5) مردن هەیە و (325) نەخۆش چاکبووەتەوە، وە ئێستا تەنها (50) نەخۆش لەژێر چاودێری پزیشکی دان.
وێڕای دەستخۆشی بۆ پزیشکان و کارمەندانی تەندروستی و هەموو تیمەکانی پزیشکی کە لە کاردان جارێکی تر تکا دەکەین هاووڵاتیان بە هیچ شێوەیەک نەیەنە دەرەوە لە ماڵەکانیان وە پابەندبن بە ڕێنماییەکانی تەندروستی، وە لەکاتی پێویستدا پەیوەندی بکەن بە هێڵی گەرمی ژمارە (122).
وەزارەتی تەندروستی
حکومەتی هەرێمی کوردستان
30ی نیسانی2020