ناوەندی ڕاگەیاندن و چاپەمەنی #هەپەگە# لەبارەی چالاکیەکە ڕاگەیەنراوێکی بڵاوکردەوە.
ڕاگەیەنراوەکە بەم شێوەیەیە:
سوپای داگیرکەری تورک لەسەر گردی چەلێ بوکای هەرێمی کاتۆ خەلیلای ناوچەی شاخێی وان دەستی بە دروستکردنی قەڕەقۆڵ کرد. هێزە داگیرکەرەکان بە یەکینەی کۆنترا و سەربازەکان هەوڵ دەدات کە ئاسایشی ڕێگای قەڕەقۆلەکە بپارێزن. هێزەکانمان یەکینەکانی دوژمنیان ماوەیەک خستە ژێر چاودێریەوە و دواتر 8ی حوزەیران کاتژمێر 18:00 لە چوارچێوەی هەنگاوی تۆڵەسەندنەوەی شەهیدا مەدیا ماوا و شەهید ڕزگار گەڤەردا لەدژی ئۆتۆمبێڵی جۆری گواستنەوەی داگیرکەران چالاکی سابۆتاژیان ئەنجامدا. چالاکی لەدژی ئۆتۆمبێڵەکە ئەنجامدرا کە کۆنترا و سەربازیان تێدابوو. لە ئەنجامدا ئۆتۆمبێڵەکە بە تەواوی تێکشکێنرا و 13 سەرباز و کۆنترا کوژران و 2 سەربازی دوژمنیش بریندار بوون.
سوپای داگیرکەری تورک سەربازی و کۆنتراکانی کە کوژراو و بریندار ببوون لە ڕێگەی میدیاکانی خۆیەوە وەک کرێکار لەقەڵەمدابوو و بەو شێوەیە هەواڵی درۆی بڵاوکردەوە. بەڵام ئەو کەسانە یەکە تایبەتەکانی دوژمن بوون کە لە سەربازە تایبەتەکان و کۆنتراکان پێکدەهاتن.
4ی حوزەیرانیش بە شەو سوپای داگیرکەری تورک لە بەرزاییەکانی مەهسەرتێی مێردین دەستی بە ئۆپەڕاسیۆن کرد. داگیرکەران بە شەو ناوچەیەکان بۆردومان کرد. لە ئەنجامدا 2 هەڤاڵمان شەهید بوون. ناسنامەی هەڤاڵە شەهیدەکانمان دواتر بۆ ڕای گشتی ئاشکرا دەکرێت.[1]
#10-06-2020#
Cet article a été écrit en (کوردیی ناوەڕاست - Central Kurdish) langue, cliquez sur l'icône
![](https://www.kurdipedia.org/images/flags/ku.png)
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 1,955
Donnez votre avis sur ce produit!