بەڕێزان بەڕێوەبەر و کادیر و کارمەندانی کەناڵی ئاسمانی #کەرکووک#
لە نۆیەمین ساڵڕۆژی دامەزراندنی تەلەفزیۆنی کەرکووک دا گەرمترین پیرۆزباییتان ئاڕاستە دەکەم، هیوای گەشەکردنی زیاتر و پێشکەوتنی بەردەوام بۆ ئەم کەناڵە گرنگ و ئازیزە دەخوازم، کە دەنگ و ڕەنگی هەموو پێکهاتەو نەتەوە جیاوازەکان بووە، ئەوەش ڕێبازێکی نەگۆڕی #یەکێتیی نیشتمانیی کوردستان#ە بۆ پێکەوە ژیانی سیاسیی و قوڵکردنەوەی گیانی تەبایی و برایەتیی و ئاشتی لەنێو پێکهاتەکانی شاری کەرکووک دا.
هەڤاڵان.. کەناڵی ئاسمانیی کەرکووک دیاریی سەرۆک (#مام جەلال#) بووە بۆ دانیشتووانی ئازیزی کەرکووک، لەو سۆنگەیەوە بەدڵسۆزی و خۆڕاگری و تواناکانتان گەشبینین ئەم کەناڵە پێگە و ڕۆڵی خۆی زیاتر گەشە پێ بدات و وەک کەناڵێکی ڕاگەیاندنی بەرپرسیار لە ئەرکە نیشتمانیی و دیموکراسییەکاندا دوانەکەوێت، لە بەخششە میدیاییە زۆرەکانتان لەهەموو بوارەکانی ژیانی گشتی هاووڵاتیانی خۆشەویستی کەرکووک بەردەوام بن.
جارێکی تر ئەم یادە پیرۆزبێت و دەستی ماندووبوونتان دەگوشم و هیوای سەرکەوتنی زیاترتان بۆ دەخوازم.
ئومێدمە ئەم کەناڵە ئازیزە هەر لە درەوشاندنەوەدا بێت.
#هێرۆ ئیبراهیم ئەحمەد#
#03-09-2020#
Cet article a été écrit en (کوردیی ناوەڕاست) langue, cliquez sur l'icône
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 1,042
Donnez votre avis sur ce produit!