دەقی پیرۆزباییەکەی #شاناز ئیبراهیم ئەحمەد#:
بەڕێزان سەرنووسەر و ڕۆژنامەنوس و کادیرانی PUKmediaی ئازیز
بەبۆنەی ساڵیادی دامەزراندنی وێبسایتەکەتانەوە، گەرمترین پیرۆزباییتان لێ دەکەم، هیوای پێشەنگی و گەشەکردنی هەمیشەیی بۆ ئەم وێبسایتە سەنگینە دەخوازم.
پیوکەی میدیا، وەک میدیایەکی ئەلیکترۆنی یەکێتی لەماوەی تەمەنی پڕ لەخزمەتیدا نمونەیەکی جیاواز و جوانی لەکاری میدیایی پێشکەشکردوە، وەک سەرچاوەیەکی باوەڕپێکراو جێگەی خۆی کردۆتەوە لای وەرگر و بەشدارە لەبەرەوپێشچونی ڕەوتی ڕاگەیاندنی کوردی، ئەمەش جێگەی بەرزنرخاندنە.
بۆ ساڵی نوێی وێبسایتەکەتان، لەگەڵ بەردەوامیدان بەو نەریتە پیشەیی و ڕۆژنامەوانیەی پێی دەناسرێنەوە، هیوادارم بە بەرنامەو پلانی نوێ بۆ قۆناغی نوێ، یادەکە وەک دەرفەت و وێستگەیەکی خۆسازدانەوە کەڵکی لێوەربگرن، تاوەکو بەشداری کاریگەرتان هەبێت وەک ئەوەی چاوەڕوانیتان لێدەکرێت.
هەر لە پێشەنگی و سەرفرازییدا بن.
شاناز ئیبراهیم ئەحمەد
کارگێری مەکتەبی سیاسی (ی.ن.ک) و سەرپەرشتیاری مەڵبەندی 1ی ڕێکخستنی #سلێمانی#[1]
Cet article a été écrit en (کوردیی ناوەڕاست) langue, cliquez sur l'icône
![](https://www.kurdipedia.org/images/flags/ku.png)
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 1,896
Donnez votre avis sur ce produit!