دوانە
براکەم زۆر وریایە
دڵسۆز و بەوەفایە
وتە و کردار شیرینە
هەتا بڵێی سەنگینە
زۆر هۆگری یەکترین
ناتوانین بەبێ یەکبین
خەڵکی دەیانوت دوانەن
ئای چەند جوان و هاوشێوەن!
من لەم وتە نەگەیشتم
هەتاکو پێگەیشتم
ڕۆژی پرسیم لە دایە
مانای چییە دوانەیە؟
وتی: ڕۆڵە هەردوکتان
پێکەوە هاتنە ژیان
کاتێک لە ناو سکم بوون
لەوێش هەر پێکەوە بوون
لە یەکدەچن ڕوخسارتان
وەک یەک جوانە کردارتان
بۆیە وا زۆر ئاسودەن
هاوکاری یەکتر دەکەن
هەموو دوانێک وەک ئێوە
بە ڕەنگ و دەنگ و شێوە
ڕێزیان لەسەر چاوانە
پێیان دەوترێ دوانە
25-04-2019
ئەم هۆنراوەیە لە ژمارە (139) ی گۆڤاری (گوڵەکان) بڵاوکراوەتەوە.
پەرتووکی #خەیاڵی کۆترەکان#
#فەرهاد ئەحمەد بەرزنجی# [1]
Cet article a été écrit en (کوردیی ناوەڕاست) langue, cliquez sur l'icône
![](https://www.kurdipedia.org/images/flags/ku.png)
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 1,063
Donnez votre avis sur ce produit!