بەهار
وا هاتن پەپولەکان
بۆ کێڵگە و باخی گوڵان
هاوڕێی وەرزی بەهارن
ئاسودە دەکەن دڵان
مۆسیقایە هاژەی ئاو
لە دامێنی شاخەکان
بە سەمای پڕ شادی
دەجوڵێن درەختەکان
دەفڕن و دەجریوێنن
پۆلێک چۆلەکەی زیوین
هەنگەکان بەشیلەی گوڵ
بەرهەم دەهێنن هەنگوین
بولبولان بە دەنگی خۆش
دەم بەخەندە و پێکەنین
دیارە لە خۆشی بەهار
گۆرانی دەڵێن بۆ ژین
لە ناو دەشت و سەوزایی
شوان و مەڕەکانی
تابلۆیەکی دڵگیرن
کاتێک لێیان دەڕوانی
بەسودن چوار وەرزی ساڵ
بۆ خۆشی ئەم ژیانە
بەڵام هەر وەرزی بەهار
زیاتر دڵگیر و جوانە
07-03-2019
پەرتووکی #خەیاڵی کۆترەکان#
#فەرهاد ئەحمەد بەرزنجی#[1]
Cet article a été écrit en (کوردیی ناوەڕاست) langue, cliquez sur l'icône
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 1,430