بچکۆلە بۆ ئیلیانا
ئێسکسوکی بچکۆلە
بەخێرهاتی بۆ ژیان
جوانی وەکو بەرخۆلە
ئەی خنجیلەی بێزیان
چاو دەگێڕی برسیتە
نازانی بڵێی چیمە
بە گریان و هاوارت
پێمان دەڵێی برسیمە
ئارامبە ئازیزەکەم
فرمێسک لە چاوانتایە
ئێستاکە دەتخەوێنێ
شیر و باوەشی دایە
دڵخۆشین بە هاتنت
ئەندامی تازەی خێزان
ئەمڕۆ بێ هێز و توانای
سبەی کارامە و لێزان
13 – 1 2018 شەممە
ئەم هۆنراوەیە لە ژمارە (135)ی گۆڤاری (گوڵەکان) بڵاوکراوەتەوە.
پەرتووکی #خەیاڵی کۆترەکان#
#فەرهاد ئەحمەد بەرزنجی#[1]
Cet article a été écrit en (کوردیی ناوەڕاست) langue, cliquez sur l'icône
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 790