$پێویستە دەستەڵاتی دادوەری بێلایەنی خۆی بپارێزێ و لاگیری لە دەستەڵاتی ڕاپەڕاندن نەکات$
$ئازادیخواز و ستەملێکراوانی کوردستان$!
مخابن، دوێنێ 4ی ئایار، دادگەی پێداچوونەوەی کوردستان، بە دەنگی سێ ئەندامی خۆی، بڕیاری دادگەی تاوانەکانی هەولێری سەبارەت بە سزادانی شەش چالاکوانەکەی بادینان سەرڕاست کردەوە، بەو بڕیارەیشی، خەڵکی کوردستان و ئازادیخوازانی تووڕە و نیگەران کرد. دادگەی پێداچوونەوە بەهۆی ئەو لاگیرییەی، سەربەخۆیی خۆی لەژێر پرسیار دانا و پشتیوانی خۆی بۆ ئەو زۆرداری و ستەمە دووپاتکردەوە کە دەسەڵاتی ڕاپەڕاندن بەرانبەر بە خەڵکی ئازادیخوازی نیشتمانەکەی ئەنجامی دەدات؛ ئەوەتا دەستەڵاتی ڕاپەڕاندن، هەر لەپەنای ئەو دادگە و یاسایەوە، کۆمەڵگە بەرەو زیندانێکی گەورەتر دەبات. ئێمە لە '#بەرەی گەل#'دا، زۆر بەتوندی ڕەخنە لەو بڕیارەی دادگە دەگرین و ڕەتی دەکەینەوە، چونکە ڕاشکاوانە مەیلداری بۆ دەستەڵات خۆیا کردووە، هەروەها خۆی لەخۆیشیدا پاشەکشە و گەڕانەوەیەکی دیکەی ڕێڕەوی بەرەو دیموکراسی، ئازادی ڕۆژنامەوانی و جێگیرکردنی بەها پیرۆزیەکانی مرۆڤایەتییە؛ هیچ گومانی تێدانییە کە زۆر بە نەرێنێ بەسەر دەستەڵاتی دادوەری هەرێمی کوردستان و دۆزی ڕەوای گەلەکەماندا دەشکێتەوە. لەلایەکەوە خەڵکی کوردستان متمانەی بە دادگە و دادوەری کز و لاوازتر دەبێ، لەلایەکی دیکەشەوە سیمای کوردستان بە بێزراوی بە ناوەندەکانی جیهانی پێشان دەدرێ. ئێمە هیواخوازین کە هەتا دەرفەتەکە لەدەست نەچووە، دادگەی تێهەڵچوونەوە فریای ڕەوشەکە بکەوێ و بڕیاری دادگەی تاوان و دادگەی پێداچوونەوە هەڵبوەشێنێتەوە.
سڵاو لە چالاکوان و ئازادیخوازان.
وتەبێژی بەرەی گەل
#05-05-2021#
[1]
Cet article a été écrit en (کوردیی ناوەڕاست - Central Kurdish) langue, cliquez sur l'icône
![](https://www.kurdipedia.org/images/flags/ku.png)
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 1,200
Donnez votre avis sur ce produit!