لەماڵی جوولەکە بخۆ، لە ماڵی مەسیحی بنوو
لە کوردستاندا مەسیحی و جوولەکە و موسڵمان بە یەکەوە ژیاون، هەر یەکە ئایین و پەرستشی خۆیان هەبووە و پەیڕەوییان لێکردووە، جولەکە کە موسایی و یەهودی و جوو و ئیسرائیلیشیان پێ دەوترێت لە کوردستاندا دەوڵەمەند و خاوەن پیشەی بازرگانی و پیشەگەری و جومگەکانی کار و کاسبیی بوون، بۆیە ڕزق و ڕۆژوویان زۆر بووە و خاوەن کار بوون، بەڵام مەسیحی و گاور و دیانەکان هەژار و خەڵکی بێ وەیی و سەلامەتبوون، ئەوە لایەنی ڕاستەقینەکەی ئیدیۆمەکەیە، بیروبۆچونێکیتریش هەیە دەڵێت: جوولەکەکان چۆنیەتی حەڵال و حەرامی خواردن و خەتەنەی منداڵانیان وەکو موسڵمانەکانە، بەڵام لەڕووی ئاسایش و ئارامی سەلامەتیەوە جێی متمانە نین، هەرچی مەسیحیەکانن خواردنی مردارەبوو دەخۆن و منداڵەکانیان خەتەنە ناکەن، بەڵام لە ڕووی ئاسایش و ئارامی و سەلامەتیەوە جێگەی متمانەن، بەهۆی تاقیکردنەوە و ئەزمون و بیروباوەڕی کوردی موسڵمانەوە ئه و پەند و درکە و ئیدیۆمەی لێ پەیدابووە کە دەڵێت: لەماڵی جوولەکە بخۆ، لە ماڵی مەسیحی بنوو.[1]
Cet article a été écrit en (کوردیی ناوەڕاست - Central Kurdish) langue, cliquez sur l'icône
![](https://www.kurdipedia.org/images/flags/ku.png)
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 838
Donnez votre avis sur ce produit!