دەست ئەگەر شکا خوار ئەگیرێتەوە
هەر شتێک کە شکا وەکو جارانی پێشووی لێ نایەتەوە، دەست شکان لە کوردەواریدا زۆر ڕوویداوە بە هۆی کاروباری ڕۆژانەی مرۆڤەوە، چ بە هۆی کەوتنە خوارەوە بێت لەسەر پشتی وڵاغ یان هەڵدێران لە شاخ یان دار و بەرد پێ کەوتن و....تاد، هەڵبەت ئەوەشیان بۆ دەرکەوتووە کە ئه و دەستەی شکاوە، هیچ بەیتار و حەکیمێک نەیتوانیووە وەکو خۆی بەڕاستی بیگرێتەوە و بیپێچێتەوە، هەر بەخواری گیراوەتەوە، ئینجا ئه و حاڵەتەیان لە ئەزمونی خۆیاندا کردووە بە ئیدیۆم و زانیویانە کار کە ڕوویدا یان کارەسات هات، تازە هاتووە و وەک خۆی لێ نایەتەوه و ناگەڕێتەوە دۆخی پێشووی خۆی بۆیە بە هۆشیاری و ڕێنوێنیەوە کورد وتویەتی: دەست ئەگەر شکا خوار ئەگیرێتەوە.[1]
Cet article a été écrit en (کوردیی ناوەڕاست) langue, cliquez sur l'icône
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 1,404
Donnez votre avis sur ce produit!