عەقڵی منداڵی، قوونی قڕژاڵی
لەسەر منداڵ و کاڵفامی منداڵان زۆر وتراوە لە ناو کوردان: گەورەی مەجلیسان منداڵە، قوونی بدە منداڵی دەمی مەدە منداڵی، بۆ ئه و ئیدیۆمەش لە کۆندا دەوترا: عەقڵی منداڵی، قوونی قڕژاڵی، بەڵام ئەوڕۆ دەوترێت: عەقڵی منداڵی بە قوونی قڕژاڵی، منداڵ لە ڕووی ئاوەز و هۆشەوە هیچ نازانێت و عەقڵی نییە دەست بۆ ئاو و ئاگر و مەترسی و دەرزی و شیشۆق و سەری هار و بنی مار دەبات و دەیخاتە دەمیەوە، ناکرێت پشت بە عەقڵی ببەسترێت بۆ پێ ڕاسپاردنی کارێک و بێ خەم بوون لێی، قوونی قڕژاڵ، مرۆڤ لەبەر ئه و قاوغەی کە قرژاڵ هەیەتی هیچ دەرچە و کۆمێکی قڕژاڵی نەبینییوە، هەروەها قڕژاڵیش دەرچەکەی زۆر بچووکە، چونکە کوردەواری هەر ئه و قڕژاڵە بچووکانەی کەنار کانیلە و چۆمیلکە و گۆم و ڕووبارۆچکانی بینیووە، بۆیە بچووکی قوونی قڕژاڵ و نەبوون و بچووکی عەقڵی منداڵی پێک چوواندووە و له و ئیدیۆمەدا خستویەتییە ڕوو وەکو گوزارشت لە بچووکی عەقڵی منداڵ وتویەتی: عەقڵی منداڵی، قوونی قڕژاڵی.[1]
Cet article a été écrit en (کوردیی ناوەڕاست) langue, cliquez sur l'icône
![](https://www.kurdipedia.org/images/flags/ku.png)
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 980
Donnez votre avis sur ce produit!