ناو: سداد
ناوی باوک: خدر
نازناو: سیداد #هەولێر#ی
نووسینی: #خالید عومەر عوسمان#
سیداد هەولێری-مۆسیقا ژەن
ناوی تەواوی (سداد خدر عەبدولکەریم ئەحمەد) ە، لە #29-05-1968# لە شاری هەولێر گەڕەکی عارەبانی نوێ نزیک منارەی چۆلی لەدایک بووە، قۆناغەکانی خوێندنی لە قوتابخانەکانی (خەبات-هەڵگورد-زۆزان-سەڵاحەددین) تەواوکردووە، دەرچووی پەیمانگای پێگەیاندنی مامۆستایانی هەولێرە 1988، ساڵی 1993 هاوسەرگیری کردووە و پێنج منداڵی هەیە بەناوەکانی (موراد-مەحمود-نوورا-مڕاڵ-مەروە)، ساڵی 1984 دەستی بەکاری هونەری کردووە بە فێربوونی مۆسیقا لەسەر دەستی مامۆستا (نەجات عەساف) لە دار الفن، لە هەمان ساڵ دوو گۆرانی بۆ هونەرمەند (فازل فەرامۆش) بەناوی (پەروین-پەروانە) بە ژەنینی ئامێری کەمانجە تۆمار کردووە، ساڵی 1986 پەیوەندی کردووە بە کۆمەڵەی هونەرە جوانەکانی کورد لقی هەولێر، بەردەوام بووە تا ساڵی 1993 بەشداری کردووە لە بۆنە و ئاهەنگەکان و تۆمار کردنی گۆرانی بۆ گۆرانیبێژان (خدر خۆشناو-کەریم بایز-سەڵاح محەمەد عەلی-پەروین شازادە-وریا ئەنوەر-تەیب-مام عەبدوڵڵا)، ساڵی 1993 پەیوەندی کردووە بە تیپی مۆسیقای #گەرمیان#ی ڕۆژاوایی و بەشداری بۆنە و ئاهەنگەکانی کردووە و چەند گۆرانییەکیان بۆ هونەرمەند (#زاهیر جەلال#) تۆمار کرد یەک لەو گۆرانییانە (خاسێ تۆ خانمی) بوو، هەروەها بۆ گۆرانیبێژ (ئازاد غەمگین) کاسێتێکیان تۆمار کردووە، ساڵی 1994 لەگەڵ تیپی مۆسیقای تورکمانی وەک کەمانجە ژەن و ئاواز دانەر بەشداری کردووە لە تۆمار کردنی چەندین گۆرانی بۆ گۆرانیبێژانی کورد و تورکمان لە شارەکانی هەولێر و #کەرکووک# و #کفری# و تەلەعفەر و توز#خورماتوو#، ساڵی 2003 وەک مامۆستا و ئاواز دانەر لە بواری منداڵان لە چالاکی قوتابخانەکانی هەولێر دەستبەکار بووە و لە هەموو ڤیستیڤاڵ و ئاهەنگ و کردنەوەی خولی فێربوونی مۆسیقا و گۆرانی بۆ منداڵان و تۆمار کردنی چەندین گۆرانی لە ئاوازی خۆی بۆ قوتابییانی سەرەتایی وەک (گوێ بگرە-زانست چرای ژیانە-مافەکانمان ڕەوایە-پەپولە-چوار وەرزی ساڵ-ڕەنگەکانی ئاڵا) هتد، وەک ژەنیاری (عود و کەمانجە) بەشداری کردووە لەگەڵ مامۆستایانی چالاکی قوتابخانەکان لە چەندین بۆنە تایبەتییەکان و گشتییەکان.
ئەم ژیاننامەم لەخۆی وەرگرتووە لە 12-8-2021[1]
Cet article a été écrit en (کوردیی ناوەڕاست) langue, cliquez sur l'icône
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 595