جەمال بەرواری
بە ڕگێ دویێ ل ژێر سیبەرا چیا ژ نڤیسانا پێشمەرکە ڕزگار کێستە یێ 583 لاپەرن قەوارێ ناڤنجی ب شەوق من هەمی خواند و دگەل ڕوودانێن بیرهاتنێن کێستەیی ئەز د گەل خوە دبرمە سەنگەرێن پێشمەرگەی وەسفەک ئەدبیانە و زمانەک ب سانەهی و خوش و ب شێوەیەک ئەدەبیانە و زمانەکێ کوردی یێ ڕهوان ئه و ڕوودان و شەر و داستانێن پێشمەرگەی تۆمارکرین وکێستەی د گەل بوویە وەک فلمەکی دادنیتە بەر چاڤێن خوندەڤانی و پێڤەگرێددەت ئەز ژی پێڤە هاتمە گرێدان هەر ژ بەرپەرێ ئێکێ وهەتا دووماهیێ من خواند جارێ دێ ژ بەرگی دەستپێکە م وێنێ سێ پێشمەرگانە کێستەیی ئێک ژ وانە دکەنن دگرنژن وێنە دئاخڤیت وهەستا مرۆڤی دجولینیت ل ژێر سیبەرا چیا قۆناغەک ژ ڕێبازا بزاڤا ئازادیخوازا مللەتێ مە تۆمار دکەت ل شۆرەشا گولانێ و تۆمارکرنا قۆناغەک دیرۆکی ژ خەباتا مللەتێ مە یێ کورد و ژ وندابوونێ ڕزگار دکەت من باوەرە ب هەمی ئامەنەت بیرهاتن و دیتنێن خوە د گەل پێشمەرگەی تۆمار کرینە کێستەی ڤێ چەندێ دوپات دکەت دەمێ دبێژیت: (خوزی من ئه و شیان هەبان ژیانا هەموو شەهیدان وهەمی پێشمەرگان و زیندانێن سیاسی و ئە ندامێن ڕێخستنێنن ناڤخویی و پوستەچیێن شۆرەشێ و نۆشدارێن شۆرە شێ و وان ژنێن نان داینە پێشمەرگەی و شۆرەش ب خودان دکر) کێستەی هندێ خەمخورێ تۆمارکرنا دیرۆکا خەباتا مللەتێ خوەیە دەمێ ل پێشەکیا پرتووکا خوە دا دبێژیت (ئەگەر هەر ئێک ژ مە چبکەکێ ژ بیرەوەرێن خوە تۆمار بکەت دێ دەریا یا دیرۆکا مە هەمی هێتە توۆمارکرن ). دیسان نڤیسەر سوزێ ددەت تاکو ژیان دەلیڤەی بدەتێ ئه و دێ بیرەوەرێن دیرۆکا شۆرەشێ و خەباتا گەلێ خوە ب هەمێ شێوەیان تۆمار کەت و ژ مرنێ بپارێزیت، دیسان نڤیسەر داخوازا هەڤالێن خوە دکەت و دبێژیتە وان: وەرن دا پێگڤە هەر ئێک ژ مە ب شێوێ خوە چ بنڤیسین و چ ب تۆمار کرنا دەنگی یان ژی دەنگ و ڕەنگ هەموو بیرەوەریێن خەبات و بەرخودانا گەلێ خوە تۆمار بکەین و ژ مرنێ ڕزگار کەین هوون دبیینن ڕۆژانە قارەمانێن مە ئێک ئێکە یێ دکەڤن و ل بەر باهۆزا ژیانێ د وەریێن دیرۆک و چیرۆک و ژان و ئازار و سەرکەفتن و شانازی و هەموو بیرەوەرێن وان ل بن تاڤیێن بارانا خەمساریا مە و پێلێن لەهیا تەمبەلیا مە تێنە ڕامالین و دچن دکەڤنە دبنێ دەریا ژ بیرکرنێ دا، نڤیسەر دانپێدانێ دکەت دەمێ دبێژیت: گەلەک جارا ئەم گازندا ژ نفشێ پشتی سەرهلدانا 1991دکەین و دبێژین هەستا نەتەوی د ناڤ وان دا یا کێمە یا ژی هەر نینە ب دیتنا من چو گونەها وان نینە، لێ گونەها مەزن یا مە نڤشێ بەری وانە مە ئه و خەلک یێ ژ نجیرا دیرۆکێ پچاندی و ئەم نە شیاینە قۆناغا بەری سەرهلدانێ ب قۆناغا پشتی سەرهلدانێ ڤە گرێدەین و وێ دیرۆکێ ب شێوەیەکێ دروست بگەهینینە وان ڤێ چەندێ ژی یا وە کری کو ئەڤ ڤالاهیە ب هندەک تشتێن دی یێن بچوکێن ناڤچەیی یان ژی بیانی بێتە تژیکرن، ئەڤە ژی ڕاستیەک مەترسیدارە پرتووکا ل ژێر سیبەرا چیا هەژی خواندنێیە و ئەز دبینم فەرە هندەک بابەتان ژ پرتووکێ هەلبژێرن وەک چالاکیەک ل قوتابخانا بهێنە خواندن. داکو ئەڤ نڤشە ئاگەدارێ دیرۆک و قورباتیێن مللەتێ خوە ببیت و ئە ز دبینم و پیشنیاز دکەم خوزی بێتە وەرگێڕان بۆ زمانێ عەرەبی دەستخوش ڕزگارێ پیشمەرگە و ئەم یێ ل هیڤیا بەرگێ سیێ ل ژێر سیبەرا چیا.[1]
Cet article a été écrit en (کرمانجی - Upper Kurdish (Arami)) langue, cliquez sur l'icône
![](https://www.kurdipedia.org/images/flags/ku.png)
pour ouvrir l'élément dans la langue originale!
ئەڤ بابەت ب زمانا (کرمانجی - Upper Kurdish (Arami)) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Cet article a été lu fois 659
Donnez votre avis sur ce produit!