ئیمپراتۆری #میتانی# لە سەدەی 16ی پێش زایین لە ناوچەکانی کوردستان بەگشتی و لە بەشی ڕۆژئاوای کوردستانی گەورە بەتایبەتی بڵاو بووەتەوە. میتانییەکانی بۆ ماوەی نزیکەی 150 ساڵ فەرمانڕەواییان کردووە.
ئیمپراتۆریی میتانی لە ماوەی دەسەڵاتدارییەکەیدا بەردەوام لە هەوڵی فراوانکردنی ناوچەکانی ژێر دەستیدا بووە و سنووری دەسەڵاتدارییەکەی لە باشوور تا دەشتەکانی #ئەڕابخا# (#کەرکووک#) و لە ڕۆژهەڵات تا بەرزاییەکانی زنجیرەچیاکانی زاگرۆس گەیشتووە و لە بەشی ڕۆژئاواش هەتا کەناری دەریای سپی دەسەڵاتیان هەبووە.
لە ڕووی سیاسییەوە، میتانییەکان پەیوەندییەکی باشیان لەگەڵ میسرییەکان هەبووە و بە گوتەی زانایان و بەڵگە مێژووییەکان، پاشای میتانی (شورتانا) بۆ پتەوکردنی پەیوەندییەکانی لەگەڵ میسرییەکان، کچی خۆی بە ناوی (#تیدۆخیپا#) لەگەڵ ژمارەیەکی زۆر کەنیزە بە مەبەستی هاوسەرگیری لەگەڵ فیرعەونی میسری (ئاموون حوتپ) بۆ میسر دەنێرێت و ئەم هاوسەرگیرییە جێبەجێ دەبێت، پاشان ناوی تیدۆخیپای میتانی لە لایەن خەڵکی میسرەوە لەبەر جوانییەکەی دەبێتە #نفرتیتی#.
ئامادەکردنی: #سارا سەردار#
[1]
Cet article a été écrit en (کوردیی ناوەڕاست - Central Kurdish) langue, cliquez sur l'icône
![](https://www.kurdipedia.org/images/flags/ku.png)
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 573
Donnez votre avis sur ce produit!