ئاواز
لە کتێبی: #قەڵای ڕاز#
بەرهەمی: #ژیلا حسێنی# (1964-1996)
کە پەنجەی شووش و ناسکت
لەسەر سێتاری سەر سنگت
هاتنە سەما
وەک بزانی
چرپەی چەن ڕاز
خورپەی نیاز
شەپۆلی چەن ئاواتی دوور
خزابێتە کونجی دڵم
کە لەپڕ دەنگت هەڵهێنا
چەندە ماسیی حەز و تاسەی
دەریای دەروونم ورووژان
چەندە وردیلەی نێو هەستم
کەوتنە سەما؟...
من نازانم
بەڵام ئەوەندە ئەزانم
نە ئەو شەوە، نە شەوانی دوای ئەو شەوەش
لەبیری من نەچوویتەوە
بیرت وەکوو پەپوولەی ڕاز
بە دەور شەمی خەونەکانما
ئەخولێتەوە.
1993-09-08
[1]
Cet article a été écrit en (کوردیی ناوەڕاست) langue, cliquez sur l'icône
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 684
Donnez votre avis sur ce produit!