#دهۆک#، لەزگین جوقی:
جێگرێ پارێزگارێ نەینەوا دیار کر، بەلاڤکرنا پارەی بۆ پڕۆژەیێن خزمەتگوزاری ل سەر بنەمایێ هەژمارا ئاکنجیان غەدرەکا مەزن ل دەڤەرێن کوردستانی یێن سەر ب نەینەواڤە دهێتە کرن.
رەفعەت سمۆ، جێگرێ پارێزگارێ نەینەوا بۆ ئەڤرۆ دیار کر، دەڤەرێن کوردستانی یێن سەر ب نەینەواڤە تووشی زیانەکا مەزن بووینە ژ ئەگەرێ هێرشێن تیرۆرستێن #داعش#ێ پتر دەڤەرین کوردستانی هاتینە خرابکرن و وێرانکرن و پرۆژەیێن خزمەتگوزاری هاتینە تێکدان و گۆت: “شوونا ئێدارا نەینەوا و بەغدا هزر ل وێ چەندێ بکەن پتر دەڤەرێن کوردستانی ئاڤەدان بکەن و پارەی بۆ پرۆژەیێن خزمەتگوزاری یێن وان دەڤەران تەرخان بکەن بەروژڤاژی پتر پارە بۆ وان گوند و دەڤەران دهێتە تەرخانکرن یێن زیان نەگەهشتیێ، پارە ل سەر بنەمایێ ڕێژا ئاکنجیان دهێتە دابینکرن و ب ڤێ چەندێ ژی غەدەرکا گەلەک مەزن ل خەلکێ دەڤەرێن کوردستانێ دهێتە کرن”.
گۆتژی: “پارەیێ گەشەپێدانا پارێزگەهان و تەناهیێ ل سەر ڕێژا ئاکنجیان دهێتە تەرخانکرن، ئەڤە ژی بۆ دەڤەرین کوردستانی یا باش نینە، چونکو دەڤەرێن کوردستانی تووشی زیانەکا گەلەک مەزن بووینە و پێدڤیە پارە ل سەر ڕیژا وێرانکاریێ بهێتە تەرخانکرن، داکو دەڤەرێن کوردستانی بهێنە ئاڤەدانکرن”.[1]
Cet article a été écrit en (کرمانجی - Upper Kurdish (Arami)) langue, cliquez sur l'icône
![](https://www.kurdipedia.org/images/flags/ku.png)
pour ouvrir l'élément dans la langue originale!
ئەڤ بابەت ب زمانا (کرمانجی - Upper Kurdish (Arami)) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Cet article a été lu fois 1,007
Donnez votre avis sur ce produit!