سوڕناتک
ڕوەکێکی دەوەنی خۆڕسکە لە کۆتایی وەرزی بەهاردا لە ناو وەرد و شۆییان دەبێت، ڕەنگی قەد و گەڵاکانی سوورێکی خەنەییە، گوڵێکی زەردی بچووک لە مانگی (6-8) دەگرێت، لەسەرەتای تەمەنی ناسک و سوێرە، مەڕوماڵات دەیخۆن، بەڵام خراپە چونکە سەر و چاو و گوانی مەڕ هەموو دەکاتە برین، ئاژەڵەکەش له حەژمەتان دەمی لەناو برینەکە دەنێت و دەیخورێنێت و گەورەتری دەکات، برينەکانی شیری وشک دەکات، خاوەن مەڕ بە (خوێ و کەرە و تەنی) تیماری دەکات، بەڵام بەزەحمەت چاک دەبێت، جار هەبووە گوانیشی نابووت دەبوو، ئەو ساڵی شیری نەدەبوو، شوانی باش مەڕ و ماڵاتی لە کاتی تازەشینبوونی سوڕناتک نە دەبردە ناو وەرد و شۆیيان و دووری دەخستنەوە، هەروەها سوڕناتک بۆ سووتان بە کاردەهێترێت.[1]
لە پەند و ئیدیۆمی کوردەواریشدا ناوی هاتووە بۆ کەسی سوور و سپی کە لەبەر خۆرەتاو زوو دەم و لێوی تۆشکی هەڵبدایە دەوترا: #سوڕناتک بردی#.[2]
Cet article a été écrit en (کوردیی ناوەڕاست - Central Kurdish) langue, cliquez sur l'icône
![](https://www.kurdipedia.org/images/flags/ku.png)
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 515
Donnez votre avis sur ce produit!