ناونیشان: خەمساردی هێزە کوردیەکان لە پێشهات و ڕوداوەکان
ناوی نووسەر: #ڕەئوف ئالانی#
نەتەوەی کورد، لەمێژووی دوور و نزیکدا بەشداری کردووە، له و هەموو ئه و ڕووداوە مێژووییانەی کە لەناوچەکە ڕوویانداوە، بەڵام بەشداریکردنەکەی وەک هۆکارو کارلێکراو لەسەرخۆی بووە، لەکۆتاییدا، نەیتوانیوە، هیچ له و ڕووداوانە لەبەرژەوەندی خۆی بهێڵێتەوە، ئەویش بەچەند هۆکارێک لەوانە:
1- ناتەبایی و ناکۆکی لەنیوان هێزەکانی خۆیدا.
2- نەبوونی عەقڵ و ستراتیژێکی ڕوون، ئەوەی هەبووە بەناوی نیشتمان و نەتەوە، تەنها بە وتاربووە، نەک گوفتار.
3- سەرکردە و ڕابەرانی ئه و جوڵانەوە و شۆڕشانە، توانای ڕایی کردنی ڕایەڵە و پەیوەندیەکان و دیاریکردنی بازنەکانی پەیوەندی سیاسی، وەک پێویست نەبوون، واتە بەعەقڵێکی داخراوی هۆزایەتی و تیرەگەری و ناوچەگەرێتی کاریانکردووە، لەوکاتەشدا کارکردن و پلان، بچووک ئەبێتەوە، لە نەتەوە بۆ خێل، بێگومان بیری بچووک، شتی بچووک بونیات دەنێ، ئەوەی ئەمڕۆ لەباشوور دەگوزەرێ، ئه و خەونە بچوکەیە، کەوتۆتە حزمەتی هۆز و تیرە و بنەماڵەکان.
4- دابەشبوونی هێزەکان بەسەر دەوڵەتە داگیرکەرەکانی کوردستان، ئەویش دەگەڕێتەوە، بۆ ململانێی ئه و هێزانە، کە تەنها بۆ مانەوە و سڕینەوەی ئەویتر، خۆیان خستۆتە باوەشی نەیارێکی کوردەوە، ئەوانیش بۆدژایەتیکردنی کورد و قووڵبوونەوەی ململانێکان کاریانکردووە و ئامانجەکانی خۆیان بەدیهێناوە و خەونەکانی نەتەوەکەیان لەباربردووە، نموونەش لەبەرچاوو دیارە، لەمێژووی ئەم حەفتا ساڵەی خەباتی بەناو نەتەوایەتی گەلی کوردستان، لە باشوور، هەردوو هێزی (مەلایی و جەلالی)، لەڕۆژهەڵاتیش هەردوو هێزی(کۆمەڵە و دیمۆکرات)، بزانن کێشەی ئه و پارچانەیان بەکوێ گەیاندووە؟ چۆن بوونە بەشێک لە هێزی پشتیوانی داگیرکەران و ململانێی ناوخۆیی؟
5- لەگەڵ ئەوەی گەلی کورد، بەهۆی چەشتنی ئازار و چەوساندنەوەی زۆر لەلایەن نەتەوە سەردەستەکانی کە کوردستانیان بەسەردا دابەشکراوە، پشتیوان و شتگیری تەواوی هەموو بزوتنەوە و جوڵانەوەیەکی کوردستانیان کردوە و بگرە قوربانیدانەکەش هەر ئه و خەڵکە بووە، لە سوتاندنی ماڵ و وێرانکاری و جینۆساید (کوشتنی بەکۆمەڵ، بە کیمیاباران و ئەنفال و هەموو نەهامەتیەکانی تر).
6- لەکاتی ڕوودانی پێشهاتە گرنگەکانی ناوچەییش، ئه و هێزانە توانیویانە درک و هەست بە بوونی ڕووداو و گۆڕانکاری بکەن، ئامادەکاریشیان بۆئەنجامداوە، وەک نەخشەکێشانی ڕاپەڕین، لە لایەن سەرکردایەتی ئەوسای (ی. ن. ک) بەڵام نەتوانرا، ئه و پلانە تەواو بکرێت، ڕۆژێکی سەخت و دژواری بۆ خەڵک بەدیهێنا، لە شەڕی ناوخۆ و هێنانی سوپای داگیرکەرانی کوردستان، بۆ وەدەرنانی هێزە کانی ڕکابەریان.
7- هیچ کاتێک کەسمان نەیبینیوە، کە ڕووداوەکان تێپەڕ دەبن و دەبنە مێژوو، ئه و سەرکردە و بەرپرسانە، بەرپرسیارێتی شکست و دۆڕاندن و هەڵەکان، بخەنە ئەستۆی خۆیان و داوای لێبوردن لە خەڵک بکەن، بۆ ئەنجامدانی هەڵەکان و دووبارە نەبوونەوەیان، بەڕای من ئەمە یەکێکە له و هۆکارانەی بەردەوام هەڵەکان چەند بارە دەبنەوە.
8- ڕەفتاری زەق و ناشیرینی عەقڵی خێڵگەرا و عەشیرەتی سەرکردەکان کە ڕەنگدانەوەی پێکهاتەی بیرو باوەڕیانە، زۆر جار خوالێخۆش بوو (#مام جەلال#) ئەیوت من کۆیەتی و خۆیەتی دەکەم، ئەگەر بە شێوازی گاڵتەئامێزیش بووبێت، ئەم وتەیە دیارە لەچییەوە سەرچاوەی گرتووە، یان (بەڕێز #مەسعود بارزانی#) لە کاتی هێنانەوەی ڕوفاتی بارزانیەکان، دەگری و فرمێسکەکان دەسڕێت، بۆچی بۆ ئەنفالی گەرمیانیەکان و ناوچەکانی دیکە، ئامادەی بەشداری مەراسیمەکەش نابێت؟
9- زۆرجار سەرکردە سیاسیەکانی حیزبەکانی کوردستان، بڕیاری تاک لایەنە دەدەن، بێ ئەوەی بگەڕێنەوە بۆ پرس و ڕا بە کەسانی دڵسۆز و خەمخۆر و دۆستانی کورد، کە بڕیارەکەش درا، زەرەرمەندی سەرەکی نەتەوەکەیەتی، وەک ئەنجامدانی ڕیفراندۆم بۆ سەربەخۆیی کە لە #25-09-2017# بەبڕیاری مەسعود بارزانی و پشتیوانی زۆربەی هێزەکان ئەنجامدرا، بەڵام هەر دوای ڕیفراندۆمەکە خودی بارزانی داوای لە سەرۆک وەزیرانی حکومەتی فیدراڵ کرد، دەرگای گفتوگۆ (حیوار) دانەخات، ئامادەی ڕێکەوتنن، دوای ئەوە بارزانی بە فشاری نێودەوڵەتی وازی لە پۆستەکەی هێنا کە (سەرۆکی هەرێم کوردستان) بوو دایە دەستی برازاکەی(#نێچیرڤان بارزانی#)، هەموومان ئامانج و ئاکامی ئه و ڕیفراندۆمەمان بینی، کە نیوەی خاکی کوردستان درایەوە بە ناوەند و هێڵی پەیوەندی دیبلۆماسی کورد زۆربەی پچڕاو باشووری کوردستان، پاشان هەرخۆیان وتیان ڕیفراندۆمەکەمان سڕکردووە، دیارە ئەویش بە فشاری ناوەند و دەوڵەتانی تر بوو. ئەم هەرێمە به و کارە بێ پلانە زۆر هاتە دوواوە، سەمەرەکە ئەوەیە، حیزبەکەی بارزانی و میدیاکانی وەها خەڵک ئاراستە دەکەن، گوایە، ئەم ڕیفراندۆمە، بەڵگەنامەیەکی هەڵگیراوە، کەی پێویست بوو دەیخەنە سەر مێزەکە، لەبنەڕتدا ئەوەی ئێستا بانگەشەی بۆدەکەن، ناڕاست و نابەجێیە، لەگەڵ هەڵە ستراتیژیەکە و وەک خۆی بەئاماژەی پەنجە بەرزکردنەوە وتی (ئەوەندە حساب بۆیەک بەشەر ناکەم) دوای ئەم هەموو ناڕێکی و ناهاوسەنگی و گەڕانەوە بۆ دواوە، بارزانی لای من و هەزاران کەس ڕێز لێگراوتر دەبوو بیوتایە، هەڵەم کرد، نەک هەموو ساڵێک بڵێ شانازیيە. [1]