پڕچکەو ژەنەو هۆرامانی
نویستەی: ئەسعەد ڕەشید
باعزە ناوچێوە کۊردستانینە پەنەش ماچان(پۆیلە)، پەنەیچشان ماچان(موورۍ تڵایېنۍ)، چونکم زەردینە جە ئاڵتوونی مشان، جە موورا(زەنگیالۍ و گونە و وېنە) پېکئامان، بە پانی دووە سانتیم، یان دووەو نیم، یان یەرە سانتیمی زەنگیالەکا هۊڼاوەو بە شېوەو ڕاسێوە، یان لاکېشێ درېژی، ورازاشا قەراخ و کڵاوەکېرە، کە قەراخو کڵاوەکۍ پۊژنۊرە.
شایانو باسیەن، قیمەتو پرچکەی فرە گرانەن، پېسە تەڵای ورەشاش(گرام یان مسقاڵ).جە وەختو ئاتاجینە یان تەنگانەینە، ژەنی کڵاوزەڕەکېش بە قیمەتێ خاس ورەشۊ و سوودش چەنەگېرۊن.
وەختو ناوەشی، یان جەدەسدای کەسێ نزیکی، ژەنی کڵاوەکېش سیاوەکەرۊن، بە کەندەیۆ(زەڕە چەرمەکا)، ئا وەختە سیاوی کڵاوەکۍ بەرمەگنۊن و ئانەیچ نیشانۍ تازیەبارینە، یان ماتەمینە.[1]
Cet article a été écrit en (هەورامی) langue, cliquez sur l'icône
pour ouvrir l'élément dans la langue originale!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Cet article a été lu fois 567
Donnez votre avis sur ce produit!