Nivîskar û derhênerê kurd Ednan Mustefa
Nivîskar û derhênerê kurd Ednan Mustefa, di sala 1992an de, li bajarê #Efrîn#ê ji dayîk bûye. Navê bavê wî Ehmed û diya wî Melek e. Ew ji gundê Şêxûtka ya girêdayî navçeya Raco ye.
Xwendina xwe ya destpêkê li dibistanên herêmê kuta kiriye û di sala 2011an de, li zanîngeha Helebê beşa Mafnasiyê xwendiye. Her weha ew li sala 2013an dest bi xwendina zimanê kurdî kiriye û di amûjegeha Viyan Amare de salekê perwerde bûye. Piştre ew di sala 2015an de, li Zanîngeha Erînê di fakulteya Ziman û Wêjeya kurdî de dixwîne, ji ber êrîş û dagirkirina dewleta Tirk a dagirker ji herêmê re ew neçar dimîne koçî herêma Cizîrê dibe. Her weha li Zanîngeha Rojava xwendina xwe ya zimanê kurdî dewam dike û bawernameyê di pileya bilind de distîne.
Di warê wêje û hunerê de xebateke hêja kiriye. Ew di warê nivîs wergerandina şanoyê de gelek berhemên giranbuha pêşkêşkirine berhemên wergerandî yên weke Geliyê Mirinê, Fîl, Zimanê Çiyê, Şekal, Karmend û gelek şanoyên dîtir.
Li rex vê jî ew ji bo xwendekarên dibistanên amadehî du berhem wergerandine zimanê kurdî navê wan jî ev in: Rêgezên Elektronîkî û Bingehên Mekanîka Wesayîtan.
Ednan di warê nivîskariyê de gelek berhemên şanoyê bi kurdî afirandine yên weke pirtûka Rêgehên Şanoyî, pirtûka Têgehên Şano, Şanoya Serwer, Şanoya Biriyar, Şanoya Memê Alan, Şanoya Giyanên Şewitî, Şanoya Babelîsk, Şanoya Bermîl, Şanoya Talora Hecran û gelek berhemên dîtir.
Ednan Mustefa li rex şanoyê çîrokan jî dinivîsîne û niha amadekariya pirtûkek çîrokan dike.
Ednan Mustefa di dirêjahiya jiyana xwe ya hunerî de gelek xelat li ser nivîsandinê wergirtine xelatên weke:
-Xelata baştirîn nivîskarê afirîner (2014)
-Xelata baştirîn derhênerê şano (2016)
-Xelata baştirîn nivîskarê şano li Bakur Rojhilatê Sûrî (2020)
Her weha hêjayî bi bîrxistinêye ku nivîskar û derhêner Ednan Mustefa bi dehan şano derandiye û di nava gelek festîvalên şanoyê de berhemên xwe pêşkêş kiriye.[1]