لەبەشێکی وەڵامەکەی سەرۆک و تیمی وەزاری #یەکێتیی نیشتمانیی کوردستان# بۆ #مەسرور بارزانی# هاتووە:
لەبارەی شەهیدکردنى عەقید هاوکار جاف سەرۆکی حکومەت دەیەوێت بەزۆری زۆردارى یەکێتیی و چەند کەسایەتییەک لەناو یەکێتی تۆمەتبار بکات، بیریان چووە لە سەرەتاى ڕووداوەکەوە ئەوە یەکێتی بوو داواى لێکۆڵینەوەى هاوبەشی کرد و داواشی کرد لایەنە نێودەوڵەتییەکان بەشداربن لە لێکۆڵینەوەکان، کەچی دەزگا ئەمنییەکەى سەرۆکى حکومەت هەر زوو سیناریۆکەى خۆیان بڵاوکردەوە و دەیانەوێ بیکەنە ئەمری واقیع، تازە بەتازە سەرۆکى حکومەت قسەى یەکێتی دووبارە دەکاتەوە و دەڵێ با لایەنى نێودەوڵەتى بێنە ناو لێکۆڵینەوەکان، پاش چی! دواى ئەوەى سیناریۆکانتان بڵاوکردۆتەوە، و تەواوی بودجەی هێزێکی نیشتمانی قارەمانی وەک دژە تێرۆرتان بڕی، و هەوڵی بڕینی قووتی سەدان قارەمانی ئەم نیشتمانەتان داوە، تازەش بیرتان کەوتۆتەوە کە ئەم ڕووداوە لە جەرگەى پایتەختى هەرێمى کوردستان ئەنجامدراوە، پێدەچێت سەرۆکى حکومەت ئاگاى لێ نەبێ یان نەیەوێت ئاگاى لێبێت هەر لەو جەرگەى #هەولێر#ە هێزێکى یاخى و لەیاسا دەرچوو هەڕەشەی چوونە سەر ماڵی جێگری سەرۆکى حکومەت کرد و هەر لە و جەرگەى پایتەختەش ڕۆژنامەنووس و دەیان و سەدان کەسیش تیرۆر دەکرێ و تاوانبار داڵدە دەدرێ و فەوجىشی بۆ دەکرێتەوە. [1]
Cet article a été écrit en (کوردیی ناوەڕاست - Central Kurdish) langue, cliquez sur l'icône
![](https://www.kurdipedia.org/images/flags/ku.png)
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 627
Donnez votre avis sur ce produit!