سلێمانی پاڵەوانێتی ڕۆژاوای ئاسیا لە ئامێز دەگرێت
سۆزیار یوسف
پاڵەوانێتی تۆپی باسکەی کچانی ڕۆژاوای ئاسیا لە شاری سلێمانی بۆ یەکەمجار لە مێژوودا بەڕێوەدەچێت و هەڵبژاردەی ئێراقیش بە پێکهاتەیەکی تەواو کوردانەوە لە وڵاتی تورکیا لە کەمپێکی مەشق و ڕاهێنانن.
پاڵەوانێتییەکە بڕیارە لە ڕۆژانی 2-6/ی مانگی داهاتوو لە هۆڵی کۆلیجی وەرزشی زانکۆی سلێمانی بە بەشداری چوار وڵات بەڕێوەبچێت و یەکێتیی تۆپی باسکەی ئێراقیش و لیژنەی ڕێکخەری پاڵەوانێتییەکە تەواوی ئامادەکارییەکان بۆ بەڕێوەچوونی ئەو پاڵەوانێتییە بە شێوەیەکی سەرکەوتووانە کردووە.
هەڵبژاردەی کچانی باسکەی ئێراق کە تەواوی یاریزانەکانی کوردن و ڕاهێنەرو یاریدەدەرەکەشی بەهەمان شێوە لە وڵاتی تورکیا کەمپێکی مەشق و ڕاهێنانیان کردۆتەوە بۆ ئامادەکاری زیاتری بەشداریکردن لە و پاڵەوانێتییە ، بڕیارە لە ماوەی بەڕێوەچوونی کەمپەکەش چەندین یاری دۆستانە ئەنجام بدەن و یەکێک لە یارییە دۆستانەکانیان بەرانبەر کچانی زانکۆی ئەستەنبوڵ دەبێت ، بە پێی لێدوانی ڕزگار ڕەئوف ڕاهێنەری هەڵبژاردەکە، دەیانەوێت بە شێوەیەکی تۆکمە بەشداری لەپاڵەوانێتییەکە بکەن تاوەکو بتوانن لە خاکی سلێمانییەوە نازناوی پاڵەوانێتییەکە بەرز بکەنەوە.[1]
Cet article a été écrit en (کوردیی ناوەڕاست) langue, cliquez sur l'icône
![](https://www.kurdipedia.org/images/flags/ku.png)
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 435
Donnez votre avis sur ce produit!