#جوتیار عادل# وتەبێژی حکومەتی هەرێم لە کۆنگرەیەکی ڕۆژنامەوانیدا ئاشکرایکرد، جارێکی دیکە وەفدى هەرێم بۆ ئەنجامدانی گفتوگۆ سەردانی #بەغدا# دەکات و ڕێککەوتنی سەرەتاییش لەبارەی یاسای بودجە کراوە.
وتەبێژى حکومەت ئەوەشى ڕوونکردەوە، یەکێک لە کۆبوونەوەکانی وەفدى هەرێم لەگەڵ دەستەی بەڕێوەبردنی دەروازە سنوورییەکان بووە، لەو کۆبوونەوەیەدا گفتوگۆ لەسەر چۆنێتی هەماهەنگیکردن و بەڕێوەبردنی دەروازە سنوورییەکان کراوە، هەر لەو کۆبوونەوەیەدا باس لەهەندێک دەروازە کرا، کە لەلایەن حکومەتی هەرێمەوە فەرمین، بەڵام لای حکومەتی ئێراق نافەرمین، بۆیە گفتوگۆکراوە چۆن ئەو دەروازانە بکرێنە فەڕمی و لەوبارەوە هەنگاوی باش نراوە و ڕێککەوتنی سەرەتایی کراوە.
بەوتەى جوتیار عادل، ڕێککەوتنی سەرەتایی لەبارەی پڕۆژەیاسای بودجەی 2023ی ئێراق لەنێوان حکومەتی هەرێم و ئێراقیش کراوە و ئەرکەکانی هەردوولا دیاریکراون، بەڵام هەندێک وردەکاری ماون پێویستە گفتوگۆیان لەسەربکرێت، بۆ ئەوەی مافەکانی هەرێم پشتگوێنەخرێن. [1]
Cet article a été écrit en (کوردیی ناوەڕاست) langue, cliquez sur l'icône
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 750
Donnez votre avis sur ce produit!