دوای ئەوەی بەهۆی نەبوونی پارەی پێویست لە بانکەکان بۆ دابەشکردنی مووچە لە پێش جەژن بەشێک لە مووچە خۆرانی سنووری پارێزگای #سلێمانی# و #هەڵەبجە# مووچەیان وەرنەگرت. دوای دوو ڕۆژ لە دەست پێکردنەوەی کار لە دوای جەژن تا ئێستا #28-04-2023# بەشێک لە مووچە خۆران مووچەیان وەرنەگرتووە.
بۆ دابەشکردنی مووچە سنووری سلێمانی مانگانە پێویستی بە 382 ملیار دینارە. پارەی هاتوو لە #هەولێر#ەوە 289 ملیار و 500 ملیۆن دینار بووە و بەپارەی هەولێر و هاوکاری هاوپەیمانانەوە 309 ملیار دینار دراوەتە مووچە و 73 ملیار دیناری مووچە خراوەتە ئەستۆی داهاتی ناوخۆی سلێمانی. تا ئێستا لە سەرەتای ئەم مانگی 4 ەوە 41 ملیار داهاتی ناوخۆ دراوەتە مووچە و هێشتا 32 ملیار کوورتهێنان هەیە. زۆربەی ئەوانەی مووچەیان وەرنەگرتووە خانەنشینی سەربازی و شارستانین و ڕۆژانە بەپێی داهاتی ناوخۆ مووچە دابەش دەکرێت.
وەزارەتی دارایی هەرێم لە ڕوونکردنەوەیەکدا بانکی ناوەندی هەرێم لقی سلێمانی تۆمەتبار کرد بە دواکەوتنی مووچەی فەرمانبەران. بەو پێیەی جیاکاری و دەستکاری خشتەی دابەشکردنی مووچەی کردووە. [1]
Cet article a été écrit en (کوردیی ناوەڕاست) langue, cliquez sur l'icône
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 363
Donnez votre avis sur ce produit!