بە فشاری ناوخۆیی و نێودەوڵەتی #پارتی دیموکراتی کوردستان#، دەست بە کۆبوونەوە لەگەڵ #یەکێتیی نیشتمانیی کوردستان# دەکات و دەیەوێت بە تەواوی پەیوەندییەکانی لەگەڵ ئەو حیزبە ئاسایی بکاتەوە.
دوای ئەوەی بەهۆی بابەتی پڕۆژە یاسای بودجەی ئێراق کێشە لەنێوان پارتی و یەکێتی درووستبووە، لایەنە ناوخۆییەکانی ئێراق و تەنانەت وڵاتانی نێودەوڵەتی هاتوونەتە سەرخەت و داوایان لە پارتی کردووە، هەڵوێستی توند بەرانبەر یەکێتی نەنوێنێت.
ئەمریکا و نەتەوە یەکگرتووەکان و تەنانەت لایەنی ئێرانیش هۆشدارییانداوە بە پارتی، کە نابێت کاردانەوەی توندی بەرانبەر هەڵوێستەکانی یەکێتی هەبێت. دەبێت بگەڕێنەوە سەرمێزی گفتوگۆ بۆ ئەوەی کێشەکانیان لەو ڕێگەیەوە چارەسەر بکەن.
زانیارییەکان باس لەوەش دەکەن، کە جگە لەوەش لایەنە ئێراقییەکان، وەک نووری مالیکی سەرۆکی دەوڵەتی یاسا و محەمەد شەیاع سوودانی سەرۆک وەزیرانی ئێراق، بە بەرپرسانی پارتیان وتووە، کە ئەگەر کێشەکانیان لەگەڵ یەکێتی چارەسەر نەکەن، ئەوە ناتوانن پابەندی ڕێککەوتنی نەوتی نێوانیان بن، بۆیە دەبێت بەزوویی کێشەکانیان چارەسەربکەن. [1]
Cet article a été écrit en (کوردیی ناوەڕاست - Central Kurdish) langue, cliquez sur l'icône
![](https://www.kurdipedia.org/images/flags/ku.png)
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 654
Donnez votre avis sur ce produit!